Тбилисы абон  экономикон политикъæ  иртасыны  центры æмæ  Маккейны институты  организацигондæй радæй фæндзæм  æхсæнадæмон   конференци  байгом уыдзæн.

«Тбилисы   æхсæнадæмон  конференцийы» хайад райсдзысты  бæрзонд рангы дипломаттæ, æхсæнадæмон эксперттæ æмæ  Гуырдзыстоны хицауады  уæнгтæ.

Бæрзонд рангы уазджыты  æхсæн сты НАТО-йы   раздæры   генералон нымæрдар  Андерс Фог Расмусен, Европæ æмæ  Евразийы  фарстаты АИШ-ы  паддзахадон нымæрдары  æххуысгæнæджы хæстæ æххæстгæнæг  Филип Рикер, Лиетувæйы  фæсарæн хъуыддæгты  министр Линас Линкявичус, Латвийы раздæры  президент Валдис  Затлерс, Европæйы  Америкæйы гарзджын тыхты  раздæры  сæйрагкамандыгæнæг,  инæлар  Бен Ходжес æмæ æндæртæ.   Конференцийы   куысты  хайад райсдзысты æхсæнадæмон эксперттæ  æдасдзинады  сферæйы.

Дыууæ боны дæргъы  уынаффæйы  сæйраг темæтæ  уыдзæн  Гуырдзыстоны перспективæтæ  НАТО-ы  æмæ евроцæдисы  уæнгсуæвыны  фæндагыл, Уæрæсейы  деструкцион  политикæ  æмæ  тох уымæй  цæугæ  дезинформацийы ныхмæ æмæ  гибридон  хæсты ныхмæ, Украинайы конфликт, Турк æмæ йæ  сыхæгтæ, АИШ-ы æддаг политикъæ, Брексит æмæ  æндæртæ.