Тбилисы  горæты тæрхондон сразы ис прокуратурæйы  куырдиатимæ, «Националон Змæлды»  сæрдар Ника Мелиайæн ахсты фæдыл æфхæрды мадзал цъындыйæ фæивыны тыххæй.

Уынаффæ  хъуыддаджы  тæрхонгæнæг   Нино Чахнашвили  рахаста æмæ   банысан кодта, цæмæй  æнæаргъæвгæйæ  хъуамæ  сæххæст уа.

Ника Мелиа абоны  рабадтыл  нæ уыдис, уымæн æмæ  йæ  фæнысангонд хъуыддаг кæсыны фæлгæтты,  тæрхонгæнæг  тæрхоны залæй  феддæдуар кодта.

Цæугæ азы 19  апрелы Евроцæдисы  медиацийæ  ист  бадзырдмæ гæсгæйæ,   развæлгъау  ахстæй  ссæрибар кæнынæн, Ника Мелиайæн   тæрхонгонд  цъындыйы суммæ  40 000 лари  Евроцæдисы  эгидæйæ, «Европаг  Фонд демократийæн»   8 майы   рауæлдай кодта.

Ника Мелиайы  аххосджын кæнынц   Гуырдзыстоны тугтæрхоны барады   кодексы  225  статийы  фыццаг æмæ дыккаг  хайæ,  кæцы йæ хъуыдйы  дары  къордон тыхми организацидзинад, къухдариуæгад  æмæ уым хайад исын.