Сомихыстоны парламент, премьер-министры бынатмæ Никол Пашиняны кандидатурæйæн не схъæлæс кодта
Сомихыстоны Республикæйы парламент, бæстæйы ног премьер-министры фарст æркæсынæн абонмæ нысангонд специалон рабадтыл, Никол Пашиняны кандидатурæйæн йæ фарс нæ рахæцыд.
Пашиняны кандидатурæйæн йæ фарс рахæцыд æрмæст иу депутат, æртæйæ йæ ныхмæ уыдысты, æрмæст 75-ы та хъæлæскæныны процессы хайад райсын, сæхи фæурæдтой. Фарстыл уынаффæймæ нæ баиу сты парламентон оппозицион партиты «Дидинæфтыд Сомихыстоны» æмæ «Æрттивæг Сомихыстоны» уæнгтæ.
Афтæмæй, æмгъуыдагъоммæ парламентон æвзæрстыты снысан кæныны процедурæ райдыдта. Уыцы цауы, кæд æмæ закондæттæг орган иу къуыримæ та нæ бахъом уыдзæн хицауады къухдариуæггæнæгы сывзарын, парламент ныппырх уыдзæн æмæ æвзæрстытæ официалонæй снысан уыдзысты.