Скъолаты фыццагкълассæгты регистрацийы æгъдаумæ ивдтытæ  бацыд
Скъолаты фыццагкълассæгты регистрацийы æгъдаумæ ивдтытæ бацыд

Специалон ахуыргæнæн домæнтæ кæмæн  ис уыцы   сабиты  интерестæй рацæугæйæ,   Гуырдзыстоны ахуырады, зонынады, культурæ æмæ  спорты  министрад, 2019-2020 ахуырадон афæдзмæ,  фыццагкълассагты регистрацийы  æгъдаумæ ивдтытæ  бахаста.  Фæнысангонд фарстайыл ахуырады министрады  абон  уагъд æрцыд брифинг.

Брифингыл куыд  банысан ис афтæмæй,  министры  уынаффæйæ, ацы категорийы  сывæллæтты  регистрацийы  фыццаг этап  2019  азы 25 марты  райдайдзæн æмæ  5 апрелы  фæуыдзæн.   Ацы  периоды регистрацийы  ауадзинаг  сывæллæтты  ныйарджытæ  куырдиæттæ хъуамæ бавдисæт уыцы  æхсæнадон  скъолатæм,   кæцытæм дæр сæ  фæнды  сæ  хъæбул раттын, скъолайы  администраци та, йæхи æрдгæй  сывææллоны регистрацийы  ауадздзæн  ахуырад фæткдæттыны информацион центры(EMIS ).  Специалон   ахуыргæнæн  домæнтæ  сбæлвырд кæныны   нысанæй, ныйарæг  скъолайы, министры барамындæй   бæлвырд   басидты  формæ  баххæст кæндзæн.  Фæнысангонд формæ скъолайæ æрвыст æрцæудзæн министрадмæ, цæй  фæстæдæр  ныйарæгимæ коммуникацийы  æмæ   бадзырды  бындурыл,  8-æй  22  апрелы  банымадæй,   мультидисциплинон  къорд, аргъ скæндзæн сывæллоны амалхъомдзыинадæн æмæ  йæ  ахуырæн  цы домæнтæ ис,  уыдон сбæрæг кæндзæн.

8-æй 24  апрелы  банымадæй,  мультидисциплинон  къорд  аргълæвæрды хатдзæг  ныйарджытæм æмæ  уыцы   скъоламæ  бавдисдзæн,  кæцыйы  дæр сывæллон  æрцыд уагъд регистрацийы.   Ахуырæн хъæугæ  домæнтæ  сбæлвырд  кæныны  цауы, скъола   ахуыргæнинагы райсдзæн  бардзырды  бындурыл.   Уыцы  сывæллæтты ныйарджытæн, кæцытæн не  сбæлвырд уыдзæн  специалон  ахуыргæнæн  домæнтæ, лæвæрд цæуы фадат  сывæллоны  фæдылдзог этапыл  ауадзой регистрацийы.  Райсты кæнæ  нæзагъды  фæдыл информаци, уыдонæн бæрæг суыдзæн  25-æй  30 апрелы  банымадæй.

Ахуырæн  хъæугæ специалон   домæнтæ кæмæн ис ахæмыл  нымад цæудзæн сывæллон кæцы у: а) физикъонæй амалхъомдзинад цух; æ) интеллектуалон рæзтæй  цух; б) ахуыры хъомад цух; в)сенсорон рæзт хъаджджын (хъус æмæ/кæнæ цæсты рухс хъуаг; г) дзурынхъом цух; гъ) ахаст æмæ  эмоцион састытæ; д) дæргъвæтин  госпитализацийы хъæуындзинад; дз) социалон фактортæй  сæвзæрд  зындзинæдтæ  ахуыры,  цæй тыххæй дæр нæу националон  ахуырадон   планы домæнты амалхъом; дж) аутизмы  спектр кæмæн ис  ахæм.

Регистрацийы  дыккаг  этап, 2-йæ  17 майы   банымадæй,  уыдзæн   гæнæн  скъолаты регистрацийы ауадздзысты  сывæллæтты, кæцыты  хо кæнæ æфсымæртæ   ахуыр кæнынц  сывзаргæ скъолайы; кæцыты ныйарæг у  скъолайы кусæг;

Кæцыты бинонтæй  иурæстæгонæй   дыууæ кæнæ фылдæр  сывæллоны  ацæудзæн фыццаг кълассмæ. Ацы  этапыл регистраци  æххæст цæуы  æхсæнадон скъолаты  ныйарæгы/закъонон  минæвары скъоламæ райстæн æнæмæнгхъæугæ  документацийы  бавдысты  бындурыл…

Æртыккаг этап, æппæтон регистраци, райдайдзæн  21  майæ  æмæ 12   июны  банымадæй  сæххæст уыдзæн.  Документацийы  бавдыст  13  июнæй  21  июны  банымадæй  уыдзæн æнæмæнгхъæугæ. Регитсраци сæххæст уыдзæн   ахуырадæн фæткдæттыны  информацион   системæйы  официалон  веб-фарсыл www.emis.ge. Бæрæг  æмгъуыдты, документаци  æнæ бавдысты  цауы,  регистраци автоматонæй  фæмацы уыдзæн.

Цыппæрæм этап, кæнæ та  ссæрибаргонд  бынæттæм   регистраци æмæ  документацийы  бавдыст 25 июнæй  5  июлы банымадæй сæххæст уыдзæн  скъолайы.  Ацы этапыл  ссæрибаргонд вакантон  бынатмæ  кæнæ  баззайгæ   сæрибар бынæттæм  уыцы  ахуыргæнинæгты   регистраци ацæудзæн,   кæцытæн нæ бантыст  регистрацийы  ацæуын  фыццаг, дыккаг æмæ æртыккаг этаптыл,  кæнæ та сæ фæнды  регистрацийы раивын.

Регитсраци ацæуыны фæстæ,  фæндон скъоламæ ныйарджытæ хъуамæ бавдисой  ахæм документтæ:  сывæллоны  райгуырды  æвдисæндæры  хуызæг; ныйарджыты  гоймагон æвдисæндæртты  хуызæгтæ.

Сæххæст ивдтытæй рацæугæйæ,   министрад  ныйарджытæм сиды,  лæмбынæгæй  æрзонгæ уой  регистрацийы æмгъуыдты  æмæ  домæнтимæ, цæмæй  сывæллоны  скъоламæ раттын,  афоныл  æмæ  æнæкуылымпыйæ  бахъом  уой.