Сан-Диегойы зоопаркы гориллæтæн сбæрæг ис коронавирус. Уый приматты æхсæн вирусы ахæлиуы фыццаг бæлвырд цау у.
Уый фæдыл информаци рауагъдад «Гардиан» паркы администрацийы фидиуæныл æнцойæ хъусын кæны.
«Сафари Паркы» администрацийы фидиуанæй, аст гориллæмæ, кæцытæ иу тыгъдады цæрынц, хуыфæгы симптомтæ фæбæрæг сты. Уыдонæй иууыл цъус дыууæ гориллæйæн сбæрæг ис коронавирус. Æмбæлон информаци Калифорнийы губернатор Гевин Ньюсомм дæр сбæлвырд кодта.
Гориллæтæм вирус æнхъæлцау бахæцыд зоопаркы кусæгæй, кæцымæ симптомтæ нæ уыдис. Ветеринартæ цæрæгойтыл иугæндзон мониторинг æххæст кæнынц.