Гуырдзыстоны президент Саломэ Зурабишвили  Украинайы  арæнгæрон  сырæзт уавæры фæдыл  фидиуæн аразы.

«Фæнды мæ  нæ  хæлар æмæ Евроцæдисы ассоциацигонд  триойы  уæнг  бæстæйы  арæнгæрон сырæзт фæдисон уавæры фæдыл  мæ хъуыды  разæгъын æмæ ноджы иу  хатт сбæлвырд кæнын  Украинайы суверенитет æмæ  территорион æнæхъæндзинадæн æххæст фарсхæцын  æмæ иузæрдыгдзинад;  Фæнды мæ  солидарондзинад сфиксир кæнын украинаг адæмæн, кæцытимæ  нын ис историон хæлардзинад  æмæ  хæдбарад ногæй  рацарæзты фæстæ, советон  ивгъуыдыл куы фæтых стæм умæй фæстæмæ, ног  нырыккон  паддзахад арæзтады  æмæ европаг  интеграцийы фæндаг.  Уырны мæ,  цæмæй Украина бафæраздзæн  уæвæг ныттынггонд уавæрæн  æмæ   тасæн æмæ  йæ сæрмагонд  фæндагæй йæ ничи æмæ ницæй тыхæй  нæ раздахдзæни.  Уырны мæ афтæдæр  ома сабырадон бадзырдтæн  альтернативæ нæй  æмæ сабырдзинад æмæ стабилондзинад  та  сты алкæй  интересты.

Тынг  хъыгаг у, нæ æхсæнад ацы  фæстаг рæстæджы  фылдæр  политикон нысаниуæгы акцитæй  æмæ кæрæдзимæ бацæудзинадæй ахст кæй  у. Хуыздæр уыдаит,   мæ  хъуыдымæ гæсгæ,   нæ  æхсæнады  аккаг,   æмæ,  зæгъæн ис,  хæсджын дæр дзы у,   бацимидис  уа  бæстæйы  алыварс  айтынггонд фæзындтæй,  уыдзæн  ай нæ дыууæ сыхагы æхсæн конфликты фæстæ  уавæр, кæнæ  Украинайы арæнгæрон сырæзт  абоны  уавæр. Уымæй хъуамæ баинтерес уа  алчи,   уыддæттыл хъуамæ сагъæс кæнæм, уымæн æмæ  нæхи æмæ нæ регионы  сабырдзинад æмæ  рæзынад, кæрæдзийæ   æнæдихаг сты», –  дзырдæуы Саломэ Зурабишвилийы  фидиуæны.