«Сакартвелос Варсквлави»-йæ æртыккаг туры рацух ис Икако Алексидзе [видео]

Мегапроект  «Сакартвелос Варсквлави»-йæ æртыккаг   лайв-шоуйы рæстæджы  рацух  ис  иу конкурсант.  Аутсайдерты æхсæн  уыдысты   Нини Цнобиладзе  æмæ Икако Алексидзе.  Адонæй спеттæй  къаддæр хъæлæстæ  æрымбырд кодта   Икако Алексидзе æмæ   проект  ныууагъдта.  Лидер хъæлæсты  нымæцмæ гæсгæ та  уыд  Лиза КЪаландадзе.

Евроуынынадмæ ацæуынæн абонæй  схæцдзысты   æхсæз конкурсант: Ото Немсадзе,  Гиорги Накашидзе, Нини Цнобиладзе, Тамар  Лачъхъепиани, Лиза КЪаландадзе æмæ Гиорги Пруидзе.

Æртыккаг туры  фæстæ,  хъæлæстæ  нулы  онг æркодтой æмæ  сæрхъызойтæн  сæ бон  у  сæ фавориттæн  схъæлæс кæнын ногæй.  Схъæлæс кæнын  сæ бон у  «Магтийы», «ДЖеоселы» æмæ «Билайны» абоненттæн.  Афтæдæр   фыццаг хатт  гуырдзиаг  лайв-шоуты историйы, кæсджытæм лæвæрд цæуы  фадат,  сæрмагонд  фаворитæн   бынтон æнæфидгæйæ, фейсбук-мессенджеры фæрцы  схъæлæс кæнын.

Схъæлæс кæнын  «Фейсбукы»  фæрцы,  æнæфидгæйæ  12  сахаты мидæг иу хатт  уыдзæн  уæ бон.

«ХЪæлæс кæныны æгъдау  ахæм у:

«Компьютерæй, смартфонæй  кæнæ  планшетæй хъуамæ бахизат  «Фейсбукмæ»  бацагурат «Сакартвелос Варсквлавийы»  официалон   верифициргонд веб-фарс, хъуамæ бакæнат «Месенджер»  æмæ   конкурсантты  ранымады банысан кæнат  уæ  фаворит конкурсанты  ном æмæ мыггаг, уый фæстæ та ныххæцат  «схъæлæс кæныны» æмæ   уæ  хъæлæс   нымадмæ ист æрцæудзæн.

Уæ фаворитæн лæвæрд номырыл уæ бон у  адзурат кæнæ  смс арвитат «Джеосел»  æмæ «Магтийы»  абоненттæ  æнарæн  бæрцæй.  Дзырды аргъ у  50 тетри.

Хъæлæсты банымады  рæстæджы  бахыгъд вæййынц  фæйнæ  конкурсанты дзырдтæ, цыбыр текстон хъусинæгтæ æмæ «Фейсбукæй»  ист  хъæлæстæ.  Фæйнæ хъæлæсæн ис  иу  тых.

Ныууадз комментари