Сабион Евроуынынад 2020-ы финалон шоу абон ацæудзæн- комкоммæ трансляци Гуырдзыстоны Фыццаг Каналыл 20:00 сахатыл райдайдзæн

Фыццаг Каналы кæсджытæ  абон, 20:00  сахатыл комкоммæ  эфиры  фендзысты  Сабион Евроуынынад 2020-ы  масштабон  шоу.  Сабион Еврофестивалыл, Гуырдзыстоны  номæй   рацæудзæн Сандра Гаделиа.

Гуырдзиаг  конкурсант сыххæст кæндзæн Гиорги  Къухианидзейы конкурсон зарæг, «You are not alone».  Пандемийы тыххæй  хъауджыдæргонд уыдзæн  Сабион Евроунынады  ацы азы   конкурс. Шоуйы   трансляци  цæудзæн Варшавæйы  студийæ,   хайадисджытæ та  сæрмагонд бæстæты   студийы  сыххæст кæндзысты   конкурсон зарæг. Сабион еврофестивалы  12 бæстæйы   минæвæрттæ  исдзысты  хайад.

Сабион Евроуынынады  конкурсыл   схъæлæс  кæнын  гæнæн уыдзæн  веб-фарсыл vote.junioreurovision.tv. Схъæлæс кæнын гæнæн ис  онлайн- дунйеы  кæцы фæнды  ранæй. Видео феныны  фæстæ, уæ  бон у схъæлæс  кæнын  æртæ  конкурсантæн, сæ нымæцы  Гуырдзыстонæн.  Хъæлæскæнынад  фæуыдзæн абон, 29 ноябры, 20:00 сахатыл. Абон та комкоммæ   эфиры  цыды  рæстæджы, зарджытæ  иууылдæр куы азардзысты   ноджы  уын иу  хатт  уыдзæн   схъæлæс кæныны фадат æрмæст  15 минутæй.

Гуырдзыстоны  номæй  конкурсон баллты  тыххæй  радзурдзæн  «Ранина»-йы  иуæй-иу  хайадисæг, Марита Хведелидзе.

Сабион Еврофестивалы  комкоммæ  трансляци, т радиционæй   равдисдзæн Гуырдзыстоны Фыццаг Канал.

Ныууадз комментари