Петро Порошенко Владимир Зеленскийæн президентон æвзæрстыты уæлахиздзинад арфæ кæны
Ныр дзурын мæ оппонентмæ, цæмæй йын æвзæрстыты уæлахиздзинад раарфæ кæнон – уый фæдыл Украинæйы архайæг президент Петро Порошенко райхъусын кодта.
«Европаг, цивизигонд дзыллæмæ куыд æмбæлы афтæ дарын мæхи. Цыт кæнын украинæгты фылдæры зайы уынаффæйæн. Уадзын президенты пост, фæлæ политикъæйæ ацæуын нæ хъавын. Адарддæр кæндзынæн Украинæйы тыххæй тох кæны» – райхъусын кодта Петро Порошенко.
Националон эгзитполты фæстиуджытæм гæсгæ, 18:00 сахаты бæрæггæнæнтæй, Украинæйы президентон æвзæрстыты дыккаг туры, артист æмæ шоумен Владимир Зеленский фæуæлахиз ис, 73,7% -æй. Архайæг президент Петро Порошенкойæн схъæлæс кодтой æвзæрстгæнджыты 26,3%.
Æвзæрстыты дыккаг туры онг бирæ рафарсты фæстиуæг æрцыд уагъд публикацийы.Иуæй-иу фæстаг иртасæн, компани «Рейтинг» бавдыста, кæцыйы фæстиуджытæм гæсгæ, Владимир Зеленскийæн, рафарстгонд æвзæрстгæнджыты 52% хæцыд йæ фарс, Петро Порошенкойæн 19%. 19% нырма нæ зыдтой кæмæн схъæлæс кæниккой, 10% та æвзæрстытæм ацæуын нæ хъавыд.
Украинæйы президенты фондз азон æмгъуыдæй æвзарынц. Президенты инаугураци 31 майы хъуамæ сырæза.
Эгзитполты фæстиуæгæн, рафарстой 300 æвзарæнон фадыгæй, 13000 æвзæрстгæнæгы, рæдыд та 2%-ы бæрц у.