Схъæлæс кодтон уыцы  уникалон балæн, кæцы  ныхкъуырд ратдзæн  Уæрæсейы реваншæн  æмæ Украинайы  размæ  ракæндзæн –  уый фæдыл  Украинайы  раздæры  президент Петро Порошенко  æмгъуыдагъоммæ  парламентон æвзæрстытыл  схъæлæс кæныны фæстæ  райхъусын кодта.

«Ысхъæлæс кодтон Евроцæдисæн, НАТО-йæн, Европаг æмæ  Евро-атлантикъон Украинайæн.  Украинайæн,  кæцы тырны  размæ. Евроцæдис æмæ  НАТО алкæцы украинаг  æмбæстагæн  стыр,  сабырдзинады, æнтысты æмæ  фарны  гарантортæ.  АБон тынг нысаниуæгджын  у,  цæмæй  нæхимæ æруадзæм  уыцы къурс,  кæцыйæ цыдыстæм фæстаг фондз  азы мидæг.  Бахъахъъхæнæм паддзахаддзинады  фундамент æмæ  дзуапп скæнæм Уæрæсейы реваншен,  ма раттæм Уæрæсейæн фадат,  ныппырх  кæной  нæ  æмбисонды паддзахад» – райхъусын кодта Петро Порошенко.

Украинайы  абон æмгъуыдагъоммæ  парламентон  æвзæрстытæ цæуынц. Æвзæрстыты  хайад исынц  22  патийы,  кæцыты  партион номхыгъдты  2 747 кандидат ис.  Иумандатджын  мажоритарон   бæстæты æдæппæт  3 083  кандидат æппары  хал. Уыдонæй  æрдæг бархийæ  исынц хайад æвзæрстыты.

Развæлгъау  прогнозæйфарстæм æрсидты  Радамæ  бацæудзысты  фондз партийæ. Фаворит  Украинайы президенты Владимир Зеленскийы  партий  «Слуга Народу» у, дыккаг бынатыл та,  ис  Виктор Медведчукы  «Оппозицион платформæ  царæдн», кæцыйæн æвзæрстгæнджыты  12   процент хæцы йæ фарс. Радамæ афтæдæр бацæудзысты  Украинайы   раздæры президленты  Петро  Порошенкойы  партий «Европаг Солидарондзинад», Юлия  Тимошенкойы «Батькивщина»  æмæ  рокмузыкант Святослав Вакарчукы «Голос».

Радайы  æмгъуыдагъоммæ æвзæрстыты  развæлгъау  фæстиуджытæ изæры фæбæрæг уыдзысты.  Эгзитполты  фæстиуджытæ  бæрæг суыдзысты  21  июлы  изæр.

Фарастæм æрсидты   Радайы  фыццаг рабадт 9  сентябры онг хъуамæ сырæза.

Украинайы цæугæ  æмгъуыдагъоммæ парламентон æвзæрстыты, Гуырдзыстоны Фыццаг Къаналы исæг  къорд  срухс кæндзæн.