Октябры  парламентон æвзæрстыты  æрбаввахсыимæ  иумæ,  Гуырдзыстонмæ лæвæрд цæуы,   регионы  демокративон  лидеры  позицийы  сфидар кæныны  шанс –  уый фæдыл  «Националон-Демокративон  Институты» президент, Дерек Митчелл  Гуырдзыстонмæ визиты  фæуды  фæстæ   райхъусын кодта.

«Ацы  нысаниуæгджын азы æмæ  фидæны дæр, «Эндиай»  адарддæр кæндзæн   гуырдзиаг демократийæн æххуыс» –  банысан кодта  Дерек Мтчелл.

Дерек Митчелл Гуырдзыстоны  уыд   24-26 февралы. Ацы  визит Гуырдзыстонмæ  уымæн уыд  фыццаг.

Бæстæйы демократийы райрæзты æмæ  «Эндиайы»  программæтыл   ныхас  кæнынмæ  уый  Тбилис æмæ Марнеулмæ ныццыд.

Организацийы  хъусинагæй,   æртæбонон  визиты фæлгæтты, Митччел  фембæлдис  премьер-министримæ, президентимæ,  парламенты  сæрдаримæ, парламентартмæ,   хицаугæнæг партийы æмæ  оппозицион  партиты  сæрдæрттимæ, афтæдæр  æмбæстагонд æхсæнады лидертимæ,  мэртимæ æмæ сакребулоты  уæнгтимæ,  ЦÆК-ы  сæрдаримæ,  сылгоймаг политиктимæ, æвзонг  лидертимæ æмæ  дипломативон  дзыллæйы  минæвæрттимæ.

«NDI» афрæгæнæг у уыдонæй   цы рæстæг рауæлдай  кодтой æмæ  хъуыдытæ кæй фæхай кодтой  уый тыххæй.  Фембæлдты  сæйраг темæ  уыд  æвзæрстыты агъоммæ  уавæр æмæ  Гуырдзыстоны NDI  куыст.  «Гуырдзыстоны ныгуылæйнаг хæлæрттæ,  сæ нымæцы  NDI, æвзæрстытæм  бацæттæйы  процессмæ  лæмбынæг хъус  дардзысты» -райхъусын кодта  Митчелл.

«Нысаниуæгджын у,  цæмæй æхсæнадмæ  æвзарæнон процесст æрдæм  æууæнк  уа.  Уый  сифтонг кæнынæн  æнæмæнгхъæугæ уыдзæн: Бæстæйы  æвзарæнон   системæимæ баст  афойнадон  æмæ  уæрæх консессусмæ æрцæуын;  кандидатты  æмæ   партиты  бартæ бахъахъхъæнын. Цæмæй  сæ бон  бауа   политикон æлхъывд цухæй  æвзæрстыты  хайад райсын; Æнæхицауадон  организациты  куыст, æмбырды æмæ  хъуыдыты  сæрибартæ хъахъхъæнын№ политикон процессты   сылгоймæгты   æдас   æмæ   æмбсæр  хайад райсын;  фæсивæды  бастдзинадæн хъæугæ  конструктивон  уавæртæ  сæвзæрын кæнын æмæ  политикон поляризацийæ  хи аиуварс кæнын, кæцы тæссаг у   националон иудзинадæн  æмæ æддаг æнæлиберал  тыхты  æндæвдад тыхджындæр кæны» дзырдæуы   Националон-Демокративон  Институты ахæлиугонд  куырдиаты.