Тбилис, вæццæгæн, у сеппæтæй хуыздæр сахар дунейы – ахæм сæргондæй статийы публикаци кæны бритайнаг «Эмтивийы» (MTV) веб-фарс.
«Хъуыддаг Тбилисмæ куы баххæссы, уæд нæ бон у сæрибарæй зæгъын, цæмæй йæ сусæгдзинад нырид алкæмæн дæр бæрæг у. Гуырдзыстоны сæйраг сахарæй дунейы бæлцæттæ, йæ альтернативон аивадæй, дунеон æмвæзады клубтæй æмæ рох цæмæн нæй ахæм хæринæгтæй нырид рагæй фæстæмæ сты зæрдæскъæфт. Тбилис æнæмæнгæй ссис иуæй-иу сеппæтæй трендон сахар европæйы», – дзырдæуы статийы.
Авторы дзырдæй, Тбилис дыууæ хайыл у дих – зæронд сахар, цыран антиквариаты дуканиты советон цæдисы афоны майдантæ уæй кæнынц æмæ нырыккон хайыл, кæцы номдзыд у активон кафе-бартæй, цы ран бынæттонтæ бынтон æнæзонгæтимæ иумæ ныуазынц алкоголон ныуæзтытæ.
«Тбилис цæвиттон хорз зонгæ, фæлæ иурæстæгонæй, æнæзонгæ у æмæ тынг зын у, зæрдæскъæфт ма фæуай гуырдзиæгты уазæгуарзондзинады цардуагæй», – дзырæдуы статийы.
«Кæд искуы Берлины уыдыстут, уæд Тбилис æнæмæнгæй базондзыстут. Ацы дыууæ сахармæ бирæ иумæйаг ис, фæлæ Тбилис фылдæр æрдзон у. Гæнæн ис Тбилис фылдæр Берлины ивгъуыды æнгæс уа… афтæ куыд Берлины «рейв» æвзонг гуырдзиæгты идентондзинад сеппæтæй хуыздæр æвдисы, техно-музыкæ та саундтрекау у удонæн, чидæриддæр социалон æмæ культурон сæрибардзинад агурынц»,- фыссы MTV.
Тбилисы «Техно-музыкайы Меккайæ» автор схуыдта æхсæвы кълуб «Басиани». «Растдæр «Басианийы» тыххæй айхъуыст фарст – ис гæнæн æмæ Тбилис бауа ног Берлинæй»?
Статийы автор алы бæлццонæн амоны, куыд гæнæн ис афтæ рæхджы фæуазæг уой Гуырдзыстонмæ.
«Тбилисы ссардзыстут алцыппæт, цыдæриддæр уæ сахары улæфтæн бахъæуа. Уый йæ зæрдæмæ фæцæудзæн куыд романтикон балцы уарзджытæн, афтæ хæлæрттимæ иумæ ивхæрсын чи уарзы уыдонæн. Æрдзон æмæ цъус гуырымыхъхъгомау Кавказаг цæппузыр, æвæлмаст никæй ныууадзæн, сымах æнæмæнгæй æрфæнддзæн уæ муртæ ныввæрын æмæ Тбилисмæ цæрынмæ ахизын. Иунæг зындзинад у æвзаг. Ацы æвзагыл ныхасы хъом куы уаиккам…»- дзырдæуы публикацийы.