Турчкмæ  æхсæнгарзы  экспорты фæтобæ  бæстæйы æрмæст фæфидардæр кæндзæн – уый фæдыл Турчы  фæсарæн хъуыддæгты  министр Мевлут Чавушогълу,  «Дойче Веллеимæ»   интервьюйы  загъта.

«Кæйдæр митæм æнæкæсгæ,  фæнды  æхсæнгарзæй  ифтонгадыл эмбарго кæнæ æндæр, мах æрмæстдæр фæфидардæр уыдзыстæм.   15 азы  размæ  мах, хъæугæ базайрагы  æрмæст 20  процент арызтам.  Ныр  70  процентæй  фылдæр» –  райхъусын кодта   Чавушогълу.

Уый йеддæмæ ма  туркаг дипломаты дзырдæй,   зæгъгæ Анкара  тохы  фæстæмæ  нæ  алæудзæн уыцы  цауы дæр,   кæд æмæ  Турчы æмцæдисонтæ  сирийаг курдæгтæн рахæцдзысты  сæ фарс.   Мевлут Чавушогълуйы  дзырдæй,   зæгъгæ  уый  Туркæн у  цæрынæн  ахсджиаг  фарста,  националон   æдасзинады  æмæ  хифервæзын кæныны фарста.

Уый афтæдæр фæныхас  кодта Турчы  хицауады   фидуиæныд,  сирийаг лигъдæттæн  Евроцæдисмæ  ахизынæн  арæнтæ гæнæн байгомы  тыххæй.

«Нырма Турчы   паддзахад, 40 миллиард долларæй  фылдæр бахардз кодта, Евроцæдис та  нын куыд  хъуыдис  афтæ нæ баххуы кодта.  Цыфæнды  цауы  сирийаг лигъдæтты фæнды  Европæмæ  ахæццæуын» –  райхъусын кодта Мевлут Чавушогълы.

Министры дзырдæй,   лигъдæттæн  арæнтæ  байгом кæнын, « æнæдæр æтъхъирæн æмæ  нæдæр  блеф нæу»- фæлæ  у  дзуапп Евроцæдисы  позицийæн.

Акой уын кæндзыстæм, Анкарайы  æрдгæй  Сирийы  цæгат-скæсæны   сирийаг курдæгты  ныхмæ  операци райдаыны фæстæ,   Германи æмæ Франц, Туркмæ  æхсæнгарзы  экспорты бауромын  ахицæн кодтой.