Турчы  фæсарæн хъуыддæгты министр  Мевлут Чавушогълу  НАТОмæ æрсидтис  ауæрæхы æмæ   организацимæ   Гуырдзыстоны райсынмæ.   Уый фæдыл  Мевлут Чавушогълу,  Давосы Дунейы  Экономикон Форумы фæлгæтты  ацæугæ  дискусситы рæстæджы   райхъусын кодта.

«Æз не мбарын, цæуылнæ хонæм Гуырдзыстоны  альянсмæ, кæнæ  цæмæн  нæ фæактивон кодтам  архайадон пълан   Гуырдзыстонæн.  Критикæ нæ  кæнынц  Уæрæсеимæ,  куыд  сыхаг паддзахадимæ абаргæйæ  дзæбæх  ахастытæ нын кæй  ис уый тыххæй,  фæлæ   нæ ныгуылæйнаг  хæлæрттæ никуыд  разы  кæнынц   Гуырдзыстоны  æрбахуындимæ, уымæн æмæ сæ нæ фæнды  Уæрæсейы сæхиуыл  сардауын. Фæлæ  Гуырдзыстонæн  мах æнæмæнгхъæугæ  стæм,  афтæ  куыд  мах хъæуы  Гуырдзыстоны  хуызæн æмцæдисон.  Æнæмæнгхъæугæ нын у  ауæрæх  æмæ  Гуырдзыстон  хъуамæ  суа  НАТО-йы  уæнг» – райхъусын кодта Мевлут Чавушогълу.

Афтæма,  Турчы фæсарæн хъуыддæгты министр  банысан кодта, цæмæй  зæгъгæ  никуы  æрфидаудзæн  анекси æмæ оккупациимæ.

«Разы стæм æви нæ  Уæрæсеимæ  Хъырым кæнæ Гуырдзыстоны фарстамæ гæсгæ?  Нæй!  Мах никуы  æрфидаудзыстæм  ацы  æнæзакъонон  оккупаци æмæ  анексиимæ.   Нæ  алыварс  бирæ  салд  конфликт ис, Гуырдзыстоны  дыууæ регион,  Уæлхох Карабах, Хъырым. Уæрæсеимæ иуæй-иу  фарстатыл  разы  не стæм, фæлæ   æмкуыст кæнæм  бирæ  сферæты»- райхъусын кодта Турчы  фæсарæн хъуыддæгты министр.

Афтæма  Турчы  фæсарæн хъуыддæгты министр, Мевлут Чавушогълу,  немыцаг рауагъдад  «Бильдимæ» интервьюйы  загъта, цæмæй зæгъгæ  Турк кæддæридæр  æнцой дардта  Гуырдзыстоны, НАТО-йы  уæнгæй  суæвыны темæйæн,  фæлæ Германи  æмæ Франц, ацы къахдзæф  саразын, Уæрæсейы смæсты кæныны тасæй не ууæндынц.