Гуырдзыстоны  премьер-министр  Мамука Бахтадзе Лиетувæйы  премьер-министр  Саулюс Сквернялисимæ   фембæлд.

Гуырдзыстоны æмæ Лиетувæйы   премьер-министртæ   ныхæй-ныхмæ  фембæлдыл, дыууæ бæстæйы  æхсæн  æмкуысткæнынады  æмæ  ахастыты   фæарфдæр кæныны перспективæтыл фæныхас кодтой.

Фембæлды  фæстæ, плангонд у Гуырдзыстоны  æмæ Лиетувæйы   Республикæйы   делегациты  ауæрæхгонд   фембæлд,  кæцыйы  фæстæ   Мамука Бахтадзе æмæ   Саулюс Сквернялис  медийæн  иумæйаг фидиуæнтæ  сараздзысты.   Уый фæстæ та  плангонд у,  Мамука Бахтадзейы  официалон фембæлд  Лиетувæйы   Республикæйы   президент  Далия Грибаускайтеимæ.

Гуырдзыстоны фæсарæн хъуыддæгты министр Давит Залкаелиани  куыд райхъусын кодта афтæмæй,    фембæлдтыл зæгъгæ ныхас уыдзæн  куыд дыууæфарсон   ахастытыл – афтæ   Гуырдзыстоны   æмæ Лиетувæйы   æхсæн  æмкуысткæнынады   фарстытыл  Евроцæдисы æмæ  НАТО-йы   форматты.

«Лиетувæ» у  Гуырдзыстоны  тынг   бæлвырд  фарсхæцæг бæстæ Евроцæдисмæ  интеграцийы процессы, афтæдæр НАТО-мæ интеграцийы  æрдæм алы  фарстайыл  нын уыдзæн дискуси. Цæугæ аз  нысаниуæгджын у  Евроцæдисæн,  плангонд сты  европарламенты æвзæрстытæ æмæ   цæй  зæгъын æй хъæуы,  уый тыххæй  дæр,  евроцæдис  лæууы  тынг ахсджиаг  сидты раз. Уый тыххæй  нысаниуæгджын у  цæмæй  афæдзы райдианы  Евроцæдисы  уæнг бæстæтимæ нын разыгонд уа   политикæ алы  сæйраг ардæмадмæ  гæсгæ. Ацы визит  иттæг стыр нысаниуæг хæссы.  Уыдзæн нын  афтæдæр ныхас  экономикон  ахастытыл. Лиетувæимæ иумæ  Гуырдзыстон æххæст кæны  цалдæр нысаниуæгджын проект   экономикон æмкуысткæнынады  æрдгæй  æмæ цæй  зæгъын æй хъæуы  2019 аз дæр ацы  æрдгæй   приоритетон уыдзæн», – райхъусын кодта  Залкалиани.

Афтæдæр йæ ныхæстæм гæсгæ,  Гуырдзыстоны премьер-министрæн уыдзæн  фембæлд  гуырдзиаг  студенттимæ  кæцытæ   бирæйæ  сты  Лиетувæйы.

«20-ы  онг   гуырдзиаг  студент   ахуыр кæнынц   æмæ  махæн  нысаниуæгджын у, цæмæй   не мбæстонтимæ  нын уа  æнæаскъуынгæ  бастдзинад, коммуникаци, цæмæй  уæт  информиргонд  бæстæйы  цæугæ  процессты  тыххæй.  Афтæдæр алы  плангонд  фембæдæй спайда кæндзыстæм,  цæмæй нæ дыууæфарсон ахастытæ  ноджы  дырысдæр  бауой  2019 азы», –  райхъусын кодта Давит Залкалиани.