Кутаисы сноггонд æхсæнадæмон аэропорт официалонæй байгом ис.
Аэропорты байгомы церемонийы хайад райстой премьер-министр Ираклий Гъарибашвили, рагионалон рæзынады æмæ инфраструктурæйы министр Ираклий Карселадзе æмæ бынæтон хицауады минæвæрттæ.
Фæцис Кутаисы сноггонд æхсæнадæмон аэропорты мид интерьеры арызт, баиу ис зæронд æмæ ног терминалтæ.
Куыд банысан ис, афтæмæй, дыууæдæр терминалы баиу кæныны фæстиуагæн Кутаисы аэропортæн уыдзæн иу терминал, æртæхыны æмæ атæхыны залтимæ æмæ алцы ифтонгггæрзтимæ кæцы йæ æнæкуылымпыйæ куыстæн хъæуы.
Ныры онг зæронд терминал 600 мин бæлццонæн лæггад кæнын хъом куы уыдис, уæд ныр ног терминалы фæрцы ацы нымæц схызстис 2 æмæ æрдæг милуаны онг.
Кутаисы аэропорты регистрацион бынæтты нымæц 10-æй 18-ы онг фæфылдæр ис, уырдгæй дыууæ сты а.х. baggage drop off-тæ, кæцыйæ бæлццæттæ регистраци онлайн режимы ацæудзысты, æмæ сæ багаж та сæхæдæг ратдзысты.
Уымæй уæлдай ма официалон бæрæггæнæнтæй, коммерцион фæзуатты нымæц зæронд терминалы 200 кв метры бæрц куы уыд, уæд ног терминалы ацы фæзуат ахсдзæн 2000 кв метры.
Ранæуæггонд терминалы арызт у цъæх уæлхæдзар æмæ цъæх террасæ. Аэропортæн ис авд рацæуæн, (Gate-æй цы хонынц) æмæ сахаты мидæг 1 200-йæ фылдæр бæлццоны æнæкуылымпыйæ ауадзыны фадат уыдзæн.
Ног терминалы арæзтад 2017 азы ноябры райдыдта. Официалон бæрæггæнæнтæй, терминалы ауæрæх/срæвдз кæнын сбаддис 35 млн АИШ доллары (110 млн лари).
Аэропорты ауæрæх кæнын проектыл куыстуат уыдис 500йæ фылдæр адæймагæн, æрмæст проекты баст уыд 100-йæ фылдæр акæнæг гуырдзиаг æмæ фæсарæйнаг компани.