Кристиан  Даниелсон Гуырдзыстонмæ æрцæудзæн къуырийы  кæрон
Кристиан Даниелсон Гуырдзыстонмæ æрцæудзæн къуырийы кæрон

Кристиан  Даниелсон Гуырдзыстонмæ æрцæудзæн къуырийы  кæрон, цæмæй   медиаци адарддæр кæна, –  уый фæдыл   Европаг  Советы  президент  Шарль Мишель  ныффыста «Фейсбукы».

«Схатдзæг кодтам  Даниелсоны медиацийæ  Гуырдзыстоны  цы прогресс уыдис, уый. Афон у  гуырдзиаг адæмы интерестæм æмбæлгæ æнæмæнгхъæугæ  компрромисстæ æруадзын.

Кристиан Даниелсон  къуырийы кæронмæ  æрыздæхдзæнис Гуырдзыстонмæ уый тыххæй,  цæмæй   баст фарсыты  æхсæн  адарддæр кæна  медиаци», –  фыссы  Мишел «Фейсбукы».

Европаг Советы  президенты специалон минæвар  Кристиан Даниелсон  Гуырдзыстонмæ æрцыд 12 марты. Уымæ Европаг Советы президент Шарль Мишелæй хæслæвæрд уыд  Гуырдзыстоны  хицауад æмæ оппозицийы æхсæн медиацийы  тыххæй.

Даниелсон 12-14 марты  ауагъдта фембæлдтæ, куыд   хицаугæнæг балы,  афтæ оппозицийы  минæвæрттимæ.  Уый фæстæ Европаг Советы  президенты минæвар  йæ визит адарддæр кодта. Ауагъдта  иумæйаг  фембæлдтæ  хицауад æмæ оппозицийы минæвæртты  хайадæй, фæлæ  æнæфæстиуæгæй.

Даниелсон Гуырдзыстонæй  ацыд 19 марты. Ацыды размæ   лæвæрд пресс-конференцийыл  Кристиан Даниелсон  ныфс разагъдта, ома партитæм  уыдзæнис компромиссы фæндон, кæцы дæтты  фæстиуæгы гæнæндзинад.

Афтæма йæ ныхæстæм гæсгæ,  æрыздæхдзæнис Брюссельмæ  æмæ алцыппæты  тыххæй  базонын кæндзæн  Шарль Мишелæн.