Тбилисы инфекцион рынчындоны боксиргонд хайады  къухдариуæггæнæг  Марина Энделадзейы  фидиуæнæй,  Гуырдзыстоны   коронавирусы цы  478   ног цау  рабæрæг ис,  уыдонæй 196  сфиксир сты  Ачъарайы,  178 Тбилисимæ сты баст, 65 та Имереты  рабæрæг сты.

Иннæ цаутæ  та  сты  æндæр æмæ æндæр  регионтæй.

«Ивгъуыд æхсæв-боны мидæг рабæрæг ис  коронавирусæй инфицирады  478, снæниз сты  211. Фæкаддæр ис  Ачъарайы инфицирады ног цауты нымæц, нырид  райсгæ  мадзæлттæ  фæстиуæгджын разындысты  æмæ  ног фæрынчынуæвджыты нымæц у 196  пациент.  Тбилисы, 178  ног цау , Имереты  65 ног цау, Самегрело-Уæллаг Сванеты – 13, Гуриа – 1,  Шида Картли -6, Квемо Картли -15, Кахет-3,   Мцхета Мтианеты –  4»-  фехъусын кодта  Марина Энделадзе.

Марина Энделадзейы  ныхæстæм гæсгæ,   хоскæныны  этапыл уæвæг  50-ы пациенты  уавæр у критикон уæззау. Уыдонæй  31 инвазивон  улæфтыл сты, 29  та  сипапрежимыл.  Улæфæн аппараттыл  иугонд  пациенттæй  аст  сты  оккупацигонд  Абхазы территорийæ æркæнгæтæ,  иу та  Цхинвалæй.