Коронавирусмæ æнæкæсгæ,  Грецийы  Олимпион арты ссыгъды церемони ацæудзæн
Коронавирусмæ æнæкæсгæ, Грецийы Олимпион арты ссыгъды церемони ацæудзæн

Олимпион  арты ссудзыны   æмæ  япойнаг  фарсмæ  алæвæрды   церемони,  æнæмæнгæй  сырæздзæн.  Афтæма  Грецийы   территорийыл  æххæстæй  ацæудзæн олимпион  цырагъы  эстафетæ. Фæлæ  коронавирусæй  хибахъахъхъæнынæн, бæрæг мадзæлттæ   уæддæр  æрцæудзысты ист –  аивдзысты  уазджыты бæрæгбонон  райст æмæ  æнæкæсгæ  ацæудзæн  арты  ссыгъды  церемонийы  генералон репетици.  Уый фæдыл   райхъусын кодта   Грецийы   Национ Олимпион Комитет.

Токиойы  Олимпиадæйы  арты ссудзыны  церемони 12  марты, Пелопонесы   æрдæгсакъадахыл  незаманы Олимпийы хъуамæ ацæуа.  Уый фæстæ   старт сисдзæн   Олимпион  цырагъы  эстафетæ, кæцы  Грецийы  территорийыл   3200  километрыл аххæсдзæн  æмæ 19 марты  Афинæты «Панатинаикосы»   стадионыл   фæуыдзæн.  Уый фæстæ   грекаг   фарс  цырагъ адæтдзæн япойнаг  делегацимæ.

Абоны  бонмæ, Грецийы   сбæлвырд ис  коронавирусæй фæрынчыны  авд   цау. Цыппар  адæймаг  вирусы бæстæмæ  бахаста  цæгат Италийæ, иннæ  æртæ та,  сты  уыцы  цыппары  хæстæджытæ.