Америкаг артист Кирк Даглас Калифорнийы горæт Беверли-Хиллзы 103 азы кары йæ цардæй ахицæн ис.
Артисты мæлæты фæдыл информаци сбæлвырд кодта йæ фырт, Майкл Даглас.
Майкл Дагласы дзырдæй, Кирк Даглас зæгъгæ дунейæн уыд кинематографийы сыгъзæрин эпохæйы артист æмæ легендæ.
Артисты 60 азон карьерæйы дæргъы Кирк Даглас 80-йæ фылдæр фильмы ахъазыд. Артисты дебют ацыд 1946 азы Льюис Майлстоуны фильмы, «Марта Айверсы æнахуыр уарзондзинад». Йæ хайадæй номдзыд фильмты æхсæн ис Ричард Флейшеры «2- мин лье донбын», Винсент Минеллийы «Цард Бæллицц», кæцы Винсент Ван Гогы ролы тыххæй Кирк Дагласæн «Сыгъзæрин Глобус» æрхаста, афтæдæр Стенли Кубрикы «Спартак». 1996 азы Кирк Дагласмæ лæвæрд æрцыд Оскар кинематографийы 50 азон хайбавæрды тыххæй, 2001 азы та Берлиналейы уымæ лæвæрд æрцыд «Сыгъзæрин Арс».