2018 азы дунейы чемпионаты  ффæстаг  цыппæрæмфиналон  фембæлды,   турниры  фысым  фæбыцæу ис Хорватиимæ.   Ныры онг   æмбырдгæндтæ  кæрæдзиимæ  æртæ хатты  фембæлдысты  æмæ   дыууæ матчы  фесты  хæрæгсастыл,  æрмæст 2015 азы та,  æмгарон  фембæлды  рамбылдтой  хорватæгтæ.

Ацы  маты размæ   Уæрæсе   дунейы   чемпионатыл  хъахъхъæнынады æрдгæй  уыдис  турниры иуæй-иу  сеппæтæй  хуыздæр, фæлæ  сын  размæбырсты  æрдгæй   ницы  уадиссаг  рауад(4 матчы мидæг æрмæст 9 хатт  ныццавдтой).  Хорватий та  баппаргæ  голтæй  уæлдай ма  дуæрттæм 13 хатты   ныццавдта.

Æстæм минуты   гол баппарыны шанс  фæзынд  Ребичмæ.  Фæлæ  фыццаг  гол  31-аг минутыл  бакъурдтой  фысымтæ – Черишев иварон фæзыг ы цур  райста   иттæг хорз пас æмæ   дарддæй  цæфæй  бакодта  матчы  хыгъд.

Хорватæгтæ  хыгъд сраст  кодтой  фыццаг  таймы. 39-æм минутыл,  иварон фæзыгмæ  пурти  зæбулцæфæй арвыста  Манджукич  æмæ Крамарич та   йæ  сæрæй  дырыс  цæффæй  тæпп сæвæрдта ацы  размæбырстæн – 1:1.

Дыккаг таймы  гол  баппарыны   реалон шанс  хорватæгтæм фæзынд  60-æм минутыл, фæлæ   Иван Перишичы  цæфы  фæстæ пурти сæмбæлд  штангæйыл  æмæ   Уæрæсе   сæдæпроцентон  голæй  аирвæрзт.

Фембæлды  фæстаг  минутыл, ховартæгты  дуæртты  æрдæм æнæнхъæлæджы ныццавдта Смолов,  фæлæ  Шубашич  пуртийыл   амбæлд кæм хъуыдис  уыцы  ран.

Матчы   сæйраг рæстæг  фæцис хæрæгсастыл æмæ   снысан сты  уæлæмхас таймтæ.   Фыцааг уæлæмхас таймы  11-æм минутыл, Хорватий  ацы  матчы  фыццаг хатт рацыд размæ – Лука Модричы  пасы  фæстæ, сеппæтæй  бæрзонддæр рагæпп  кодта  Вида  æмæ  дырыс цæфæй,  пурти  амидæг кодта  Уæрæсейы дуæрттæм.

Дыккаг  уæлæмхас  таймы, Хорватийы  æмбырдгонд  фæгæдзæ кодта,  æмæ  матчы  инициативæ  фæбарста  ерысы  фысымтæн.  Уырыссæгтæ  æндæогъы  дуæртты   цур цалдæр тæссаг момент  сфæлдыстой  æмæ 115-æм минутыл   хыгъд сраст кодта  Марио Фернандеш.

Фæстагмæ  хъуыддаг æрхæццæ  пенальтиты  онг,  кæцы рæстæджы дæр   дыууæ  цæфы фæмела кодтой  уырыссæгтæ,  хорватæгтæ та иу  æмæ   алцыппæт баст уыдис  Акинфеевы  æмæ Раиктичы  дуэлыл. «Барселонайы»  футболист  йæ пенальти нæ фæмела  кодта  æмæ   æрдæгфиналы, Англисимæ  Хорвати  ахъаздзæн.

Рафыссут нæ  уникалон аппликаци   FIFA 2018! Android  iOS

Æмæ  уæм уыдзæн фадат,  оперативонæй   базонат  алы  цымидисон  хабаримæ,   матчыты  бæлвырд  ранывæст, фæстиуджытæ  LIVE-режимæй  æмæ  саразат  уæхи сæрмагонд прогноз!

Матчыты  бæлвырд  ранывæзт  -Дунейы Чемпионат  Фыццаг Къаналыл!