Алы  хисæрмагондæй амалиуæггæнджытæ, кæцытæ  куырдиат бавдыстой  хицауадмæ,  иухаттон æххуысы  хуызæй райсдзысты  300 лари, –  уый фæдыл Гуырдзыстоны премьер-министр Гиорги Гахариа,  хицауады  абоны рабадтыл  райхъусын кодта.

Афæтма йæ ныхæстæм гæсгæ,  хисæрмагондæй амалиуæггæнджытæн æхххуысы программæ  фæцис  æмæ уыцы  баззайæг  80 мин æмбæстагæн, кæцытæ æххæстæй документаци бавдисын нæ бахъом сты,  сæ  куырдиат сын сæххæст кæндзыстæм.

Премьеры æмбарынгæнæнмæ гæсгæ,  фæнысангонд  æмбæстæгтæн æххуысы  программæйы фæлгæтты,  хицауадмæ басидтысты  250 мин адæймаг  300 ларийы бæрц  иухаттон æххуыс райсынмæ.  Æххуыс райстой  170  æмбæстаг, кæцытæ  хицауады æркуырдмæ æмбæлгæ  документацы  æххæстæй  бавдисын не сфæрæзтой.

Гиорги Гахариайы  дзырдæй,  хицауад аскуыддзаг кодта, алы  ахæм æмбæстагæн,  документты  бамбырд кæныны цæстæнгасæй  домæнтæ, сыххæст кæндзæн  сæ куырдиат æмæ  сын байуардзæн  300 ларийы  иухаттонæй.  Уымæй  хисæрмагондæй амалиуæггæнджытæн æххуысы программæ  фæуыдзæн.

«Алы æндæр  программæтæ, кæцытæн сæ нысан уыд  нæ æмбæстæгтæн  социалон  æххуыс раттын, уыдзæн  уый куыстбынаты фесафынæн  амалхъомдзинад цух  уæнгтæн,  бирæзæнæгджын  бинонтæн,  кæй  зæгъын æй хъæуы,  адарддæр уыдзæн  æмæ  дарддæр кæны  æмбæлгæ æмгъуыдтæм гæсгæйæ.   Фæстиуæгæн, дыккаг этап сыххæст кæндзыстæм афтæмæй, æмæ  хисæрмагондæй амалиуæггæнджытæ, кæцытæ куырдиат бавдыстой  хицауадмæ, 250 000 адæймаг,  æнæкуылымпыйæ  сентябры онг   райсдзысты ацы  суммæ», –  райхъусын кодта Гиорги Гахариа.