Хъахъхъæнынады министрады æфсæддон пъæлицæймæ лæвæрд æрцыд НАТО-ы æфсæддон пъæлицæйы бирæнацион партнеры статус
Гуырдзыстоны хъахъхъæнынады министрады пъæлицæйы æмæ НАТО-йы бирæнацион пъæлицæйы батальоны (MNMPBAT) æхсæн бафыст æрцыд партнерады бадзырд. Гуырдзыстоны æрдгæй документыл къух бафыста æфсæддон пъæлицæйы хистæр, хъахъхъæнынады булкон Гиорги Бубунаури, НАТО-йы æрдгæй та, альянсы æфсæддон пъæлицæй бирæнацион батальонмæ бацæуæг бæстæты: Польшæйы, Чехийы æмæ Словакийы æфсæддон пъæлицæйы хистæртæ.
Хъахъхъæнынады министрады пресс-куысты хъусинагæй, къухбафысты церемони пандемийы тыххæй ацыд дистанцион режимы.
«Партнерадæн йæ нысан у 2022-æм азы кæронмæ Гуырдзыстоны æфсæддон пъæлицæйы взвод бацæттæ кæна НАТО-йы бирæнацион æфсæддон пъæлицæйы батальоны (Participant Status) æххæстаргъджын уæнгæй суæвынмæ. Бадзырд равдисдзæн Гуырдзыстоны фылдæр бæрцæй уæвынад НАТО-йы, кæцы æфсæддон пъæлицæйы фæрæзтæ ноджы тыхджындæр скæндзæн æмæ НАТО-имæ æмбынатидзинад фæарфдæр кæндзæн», – хъусын кæнынц Гуырдзыстоны хъахъхъæнынады министрады.