Энтони Блинкен - Гуырдзыстон æмæ Украинайы НАТО-ы уæнгсуæвын куы фæнда æмæ домæнтæ æххæст кæндзысты, уæд уый фарста аскуыддзаг æрбаввахс кæндзæн
Гуырдзыстоны æмæ Украинайы НАТО-ы уæнгæй суæвын куы фæнда æм домæнтæ сыххæст кæндзысты, уæд уый фарстайы аскуыддзаг æрбаввахс кæндзæн, – уый фæдыл АИШ-ы паддзахадон нымæрдар Энтони Блинкен «Энбиси Ньюсимæ» интервьюйы рæстæджы райхъусын кодта.
АИШ-ы паддзахадон нымæрдары дзырдæй, цæгататлантикон альянс 2008 азы сбæлвырд кодта, цæмæй йæ дуар гом у Украина æмæ Гуырдзыстонæн.
«Альянс 2008 азы бæлвырдæй райхъусын кодта, цæмæй йæ дуар гом у Украина æмæ Гуырдзыстонæн. Гуырдзыстон æмæ Украинайы НАТО-ы уæнгсуæвын куы фæнда æмæ сыххæст кæндзысты алы домæнтæ, уый фарста аскуыддзаг æрбаввахс кæндзæн. НАТО йæ бындурæвæрды бонæй æргомæй равдыста, цæмæй йæ дуар уыдзæн гом кæцыфæнды Европаг бæстæйæн, кæцы тырны уæнгдзинадмæ æмæ æмбæлон уыдзæн æнæмæнгхъæугæ критеритæм», – банысан кодта Блинкен.
АИШ-ы паддзахадон нымæрдар афтæдæр банысан кодта, ома Уæрæсеимæ ахастыты, тæразыл æвæрд у ахæм нысаниуæгджын фарста, цахæм дæр у æхсæнадæмон уагæвæрд, кæцымæ гæсгæйæ, иунæг бæстæйæн дæр нæй бар æндæр бæстæйы арæнтæ тыхæй архайгæ фæивд æмæ иунæг бæстæйæн дæр нæу йæ бон æндæр бæстæйæн æддагон политикæйы тыххæй бардзырдтæ дæтта.
Блинкены фидиуæнæй, иунæг бæстæ дæр ма хъуамæ араза æндæвдады сферæтæ æндæр бæстæйы хардзыл.