НАТО-ы генералон нымæрдар   Йенс Столтенберг  уырнæг у,  ома  фидæн мæймæ плангонд саммитыл,   альянсы  уæнг бæстæты  лидертæ  равдисдзысты  иудзинад,  æнæкæсгæ  АИШ-ы æмæ  Евроцæдисы  æхсæн уæнг,  «Хъуыдыты  нысаниуæгджын хъауджыдæрдзинадмæ».  Уый  фæдыл  Столтенберг,   телекомпани  France24—ы  эфиры  райхъусын кодта.

«Абсолютонæй  уырнæг  дæн,  цæмæй  НАТО-ы  саммит равдисдзæн   трансатлантикон   иудзинад, цæмæй Европæ  æмæ АИШ-æ    иумæ сты,  æнæкæсгæ  хъуыдыты  нысаниуæгджын хъауджыдæрдзинадмæ  ахæм нысаниуæгджын фарстытыл, цахæм дæр  у базарад, Паризы климатон  бадзырд кæнæ атомон  бадзырд Иранимæ», –  загъхта  НАТО-ы  генералон нымæрдар.

Йенс  Столтенбергы ныхæстæм гæсгæ,   цъус рæстæджы   размæ   Урс Хæдзары,  президент  Дональд Трампимæ  фембæлд,   кæцы йын  сæрмагондæй  сбæлвырд кодта  НАТО-æн æнцой.

«Уый ма   афтæдæр  басастис,  цæмæй европæйаг  æмцæдисонтæ  фылдæр инвестицитæ æвæрынц  хъахъхъæнынады», – райхъусын кодта  цæгататлантикон альянсы  генералон нымæрдар.

«Уый æрвиты  сигнал, цæмæй   хъæуы  фылдæр саразын,  æз йемæ разы дæн  æмæ Европæйыг æмцæдисонтæ дæр разы  сты»,- бафтыдта ма Йенс Столтенберг.