Гуырдзыстоны сфæрæз кодта æмæ  нæ  регионы фыццæгтæ райсдзыстæм бæрзонддæр гъæды вакцинæтæ – уый фæдыл   оккупацигонд территоритæй   лигъдæтты,  фæлойады, æнæниздзинад æмæ социалон хъахъхъæды министртæм кандидат  Экатерине Тъикъарадзе  райхъусын кодта.

Министртæм кандидаты  ныхæстæм гæсгæ,   АИШ-имæ æмæ  Евроцæдисимæ  къухбафыст  контрактты фæлгæтты,  бæрæг цæуы   вакцинæты  уæлæмхас  дозæтæ æрласыны   датæтæ.

«Вакцинæты  райсын  æмæ   вакцинаци æнтыстджынæй  сæххæсты  сæйраг аууæл  у  бæстæйы цæттæдзинад.  Ацы æрдæм  нырид  кæронмæ  бахæццæ кодтам бацæттæгæнæн куыстытæ.  «Ковид-19»-ы  вакцинæты Гуырдзыстоны территоримæ  æрбаласыны моментæй, вакцинацийы процедурæйы онг,  алы кахдзæф плангонд у. Бæстæйы  масштабæй нырид æвзæрст   æмæ  цæттæ  у  вакцинацийы  æххæстгæнæн  медицинон   уагдæттæ,  фæцис медицинонперсоналы бацæттæ, ифтонгггонд у  вакцинæты æдасæй  бавæрыны домæн,  уазал рæхысы сæрмагонд домæнтæ хынцгæйæ.  Зондзыстут  цæмæй вакцинаци нæ бæстæйы  уыдзæн барвæндон. Уый тыххæй ныфс дарын,  нысанон кордты  минæвæрттæ  бæрзонд æмбæстагон  бæрн равдисдзысты æмæ  иумæ  бафæраздзыстæм  пандеми крæон скæнын» –   райхъусын кодта Тъикъарадзе.