Ирвæзынгæнджытæ Ушбайыл ссардтой дыууæ мардыбуары, – уый фæдыл дзырдæуы Уæлвæтк уавæрты фæткдæттæг куысты информаций.
«Гуырдзыстоны мидхъуыддæгты министрады æхсæнадон æдасдзинады фæткдæттæг центр 112-мæ уыд хъусинаг Местиайы, цъити Ушбайыл фæтарувæг дыууæ фæсарæйнаг æмбæстагы тыххæй.
Инициаторы информацийæ, алпинисттимæ контакт аскуыдис зæгъгæ, æмæ æбæрæг уыд цы уавæры уыдысты æмæ бахъуыдис зынгвæдисон-ирвæзынгæнджыты æххуыс.
Хъусинагы фæдыл Уæлвæтк уавæрты фæткдæттæг куысты минæвæрттæ рывнæлдтой активон агурæн-ирвæзынгæнæн мадзæлттæм. Боныгъæд æмæ вазыгджын æддæ факторты тыххæй, ирвæзынгæнджытæ тыхыбын уыдысты цъитийыл фистæгæй ссæуын. Агурæн мадзæлттæм баиу ис МХМ-ы арæйнон пъæлицæйы хæрдмæтæхæг дæр.
Уæлвæтк уавæрты фæткдæттæг куысты ирвæзынгæнджытæ, агурæн операцийы фæлгæтты, Ушбайыл ссардтой дыууæ мардыбуары. Мардыбуæрттæ раластой Местиамæ æмæ ныр цæуынц æмбæлгæ процедурæтæ», – дзырдæуы Уæлвæтк уавæрты фæткдæттæг куысты информацийы.