Ассоциацигонд триойы – Гуырдзыстоны, Украинайы æмæ Молдовæйы  премьер-министртæ  Брюсселы  сты.  Кусæн визиты  фæлгæтты, Гуырдзыстоны премьер-министр Ираклий Гъарибашвили, Украинайы  премьер Денис Шмигаль,  æмæ   Молдовæйы премьер-министр   Наталия Гаврилова  иуæймаг фембæлдтæ  ауадздзысты  Европаг Советы  президент Шарль Мишелимæ, еврокомиссийы президент Урсула фон дер Лайнеимæ æмæ Европарламенты президент Девид Мария  Сасолиимæ.

Фембæлдты сæйраг  темæ уыдзæн  15 декабрмæ плангонд  «Хурыскæсæн Партнерады»  саммит, кæцыйы  декларацийы  нысаниуæгджын  у  ассоциацигонд  триойы бæстæтæн   приоритетон  фарстæтæ æмæ æнхъæлцытæ равдисын.

Гуырдзыстоны премьер-министр  йæ хъусдард раздахдзæн  Гуырдзыстоны  хицауады  амбицион  планмæ, кæцы 2024  азы  Евроцæдисы  æххæстаргъджын  уæнгдзинадыл  официалон куырдиат  саразын дары йæ  хъуыдыйы.

Æртæ бæстæйы  лидертæ Евроцæдисы  ацæугæ  бæрзонд æмвæзады  фембæлдтыл, ноджы иу  хатт сфиксир кæндзысты иумæйаг  позици, ома  нысаниуæгджын у  саммит  ног фадæттæ  байгом кæна  партнер бæстæтæн,  Евроцæдисимæ   дарддæры  интеграцийы фæндагыл, дифференциацийы æмæ  фылдæр-фылдæры тыххæй принципыл æнцойæ,  афтæма  фæныхас кæндзысты  Евроцæдисимæ интеграцийы процесс стынг кæныны ног æрдæмадтыл.