Гуырдзыстоны  Фыццаг Каналы  генералон директор  Тинатин Бердзенишвили   Кёльны  кинофестивалы  фæлгæтты   европаг сериалты  конференцийы исы  хайад.

Мадзал  «ADAMI Media Prize» -ы  организацигондæй  21-23  октябры  Германийы горæт    Кёльны   ацæудзæн.

Хайдаисджыты æхсæн  сты  Æхсæнадон Уацхæссæджыты директортæ, æххæстгæнæг продюссертæ, режиссертæ æмæ ставд  продюссерон   компаниты минæвæрттæ  Гуырдзыстонæй, Сомихыстонæй, Азербайджанæй, Украинайæ  æмæ Молдовæйæ.

«Æхсæнадон Уацхæссæг  гуырдзиаг медиабазарыл  аивадон æмæ документон  фильмты  æмæ сериалты  иуæй-иу  ставд  уадзæг  æмæ сферæйы  инвестор у, кæцыйæн йæ  нысан у   гуырдзиаг  киноиндустрийы  парахат кæнын. Конференци «ADAMI Dialogue»  культурон бирæгъуызондзинады алæварс  цæуы.  Культурæты æхсæн  дзыманды, интеграци  æмæ  бирæгъуызондзинады равдыст  та  растдæр Æхсæнадон уацхæссæджы  ахсджиагдæр приоритет у.  Фыццаг Каналы  кæнæ  йæ æмфинансдзинадæй  ист фильмтæн бирæ æнтыстытæ  уыд æхсæнадæмон фестивалтыл. Ныр Фыццаг Каналы  æмпродюссингæй  арызт  Леван Когъуашвилийы  фильм «Цыппæрæм Брайтон»  кæцымæ Трайбекайы кинофестивалыл  нырид раттой  æртæ хорзæхы, «Оскармæ»   бавдисынмæ  у  æвзæрст», – райхъусын кодта   Гуырдзыстоны Фыццаг Каналы   генералон директор   Тинатин Бердзенишвили.

Конференцийыл уæвджытæ  хайад райсдзысты   Кёльны  кинофестивалы  европаг сериалты   бонмæ  нывонд мадзæлтты, кæцыты  «ADAMI Media Prize»   æхсæнадæмон хызаг саразыны  æмæ хурыскæсæн æмæ  ныгуылæн  Европаг   профессионалты æхсæн   фæлтæрддзинад фæхай кæныны нысанæй  мадзал  ауадздзæн.