Евроцæдисы  политикæйы æмæ  æдасдзинады   комитет, Гуырдзыстоны  Евроцæдисы  цæстдарæг миссийы  къухдариуæгæй  сфидар кодта  Эрик  Хьогы.

Даниаг дпломат  2017 азы  1-аг сентябрæй  миссийы   къухдариуæгы хæстæ æххæст кодта.  2015 азы  апрелæй  уыдис миссийы  къухдариуæггæнæджы  хæдивæг.  Эрик Хьог  фæивдзæн  литвайаг  Кьястутис  Янкаускасы.

«Евроцæдисы цстдарæг мисси Гуырдзыстоны у  нысаниуæгджын элемент  конфликты  зонæйы  æдас æмæ  стабилон уавæры  рæвдзкæнынæн.  300-йæ  фылдæр   кусæгимæ иумæ  мисси  у  Евроцæдисы   æнæцудгæ хæс, йæ къух бадара  регионы стабилон уавæрæн.  Æз райгонд дæн  цæмæй  снысан дæн  миссийы   ног  къухдариуæггæнæгæй.   Сараздзынæн алцыппæт,  цмæй адарддæр  кæнон цæстдарæг миссийы   абоны бонмæ  дæнцон  куыст» –  расидтис Эрик Хьог.

Эрик Хьог Гуырдзыстонмæ  æрцæуыны онг  16 азы дæргъы  куыста Данийы  фæсарæн хъуыддæгты  министрады,  куыд дыууæфарсон  – афтæ  бирæфарсон   ахастытыл.  Евроцæдисы цæстдарæг миссийы   информацийæ,  уый  ахста  къухдариуæггæнæджы постытæ  куыд Копенгагены, афтæдæр сæрмагонд  бæстæйы мисситы  фæсарæнты.  Дипломат куыста  Таллины  архайæг  Данийы минæварады (2001-2004),  афтæдæр  Мæскуыйы (2010-2012) æмæ  ИНО-йы  – Данийы   иугæндзонархайæг  миссийы (2007-2010) азты.

Евроцæдис Гуырдзыстонмæ  æнæхотых  гаржданон  цæстдарæг миссийы   рарвыста 2008 азы.  Брюсселы  скуыддзаг уый фæстæ растой,  Францы сæрдариуæгы периоды, Евроцæдисы  æхсæныбацыдæй  къухбафыст куы æрцыд   æхсæзпунктджын бадзырд,  кæцы  крон скодта  августы хæст.

Миссийы   приоритеттæ  сты стабилизаци,   нормализаци, конфликты фæрсты æхсæн æууæнкы сног кæнын.  200-ы онг цæстдарæг  24  сахатон  режимæй   патрул кæнынц.

Миссийы мандат  хæлиу кæны  Гуырдзыстоны æппæт территорийыл, фæлæ нырид 9 азы  у  Абхази æмæ  Хуссар  Ирыстоны  де-факто  хицауадты минæвæрттæ, сæ кантролгонд территоримæ  цæстдарджыты  нæ уадзынц.