Гуырдзыстоны скуыста карантины режим. Уæлрадон уавæры фæлгæтты мадзæлттæ фæкарз кæныны фæдыл хицауады уынаффæ, абон, сæумæрайсомы 08:00 сахатæй бахызт йæ тыхмæ.
Гуырдзыстоны премьер министр Гиорги Гахариа, знон, хицауады рабадты фæстæ лæвæрд брифингыл куыд банысан кодта, уымæ гæсгæйæ, уæлрадон уавæры æмгъуыдмæ фидар кæны фактонæй æппæтадæмон, æххæст карантин.
Гуырдзыстоны хицауады уынаффæйæ, карантины режимы фæлгæтты архайдзæн ахæм арæнæвæрдтæ:
- Æххæстæй тобæ кæны кæцыфæнды типы æхсæнадон транспортæй (уый нымæцы метройæ) змæлын куыд горæтты æмæ муниципалитетты мидæгæй, афтæ – горæтты æхсæн;
- Уæгъд уыдзæн æрмæстдæр рог хæдтылгæтыл ( сæ нымæцы такситыл) балц, æрмæстдæр уыцы цауы, кæд æххæст уыдзæн æнæнизхъахъхъæнынады министрады рекомендаци æмæ автомобилы уыдзæн æрмæст 3 адæймаг, уый нымæцы, æрмæстдæр уыцы цауы, кæд дыууæ адæймаг баддзæн фæстаг бадæныл. Уый у иттæг нысаниуæгджын рекомендаци, кæцыйы æнæсæххæсты цауы, æмбæлон паддзахадон оргæнтæ райсдзысты хъæугæ скуыддзæгтæ;
- Афтæма, бæлццæтты ласын бар уыдзæн æрмæстдæр стратегион нысаниуæгы объектты кусджыты организацигондæй æмæ æдасæй ласыны нысанæн;
- Тобæ кæны æртæйæ фылдæр гоймагы æмбырд, продуктон дуканитæй æмæ афтектæй уæлдай, кæцы рæтты æнæмæнгхъæугæ у, дыууæ метры дæрццæфгомау социалон дистанwийы уаг æххæст кæнын;
- Хицауады барлæвæрдæй кусæг амалиуæгадтæн куысты фæтк хицæнæй уыдзæн фыст æмæ сæм уыдзæн хицæн протоколтæ, æнæнизхъахъхъæнынады министрадимæ æрæмдзыхæй. Гиорги Гахариайы æмбарынгæнæнмæ гæсгæйæ, фæнысангонд зæгъгæ æххæстæуы уый тыххæй, цæмæй экономикæ адарддæр кæна кусын æмæ уыцы потенциал, кæцы Гуырдзыстоны экономикæмæ ис, бынтон урæд ма рцæуа. Афтæдæр, кæй зæгъын æй хъæуы, уый тыххæй, цæмæй нæ æмбæстæгтæ максималонæй бахъахъхъæной сæ кусæнуæттæ;
- Фæтобæ уыдзæн 70 азæй хистæрдæр æмбæстæгтæн дуармæ рацæуын уыцы цаутæй уалдай, уыдон куы фæцæуынц æввахсдæр продуктон дуканитæм, хæстæгдæр афтектæм кæнæ медицинон уагдонмæ. Уыцы цауы, кæд æмæ 70 азæй хистæрдæр æмбæстæгтæ, иунæджытæ куы сты, уæд æнæнизхъахъахъхъæнынады æмæ экономикæйы министрадтæ, афтæдæр бынæттон муниципалитеттæ, хæсджын сты ахæм æмбæстæгтæн баххуыс кæной;
- 21:00 сахатæй тобæ кæны куыд фистæгæй, афтæ – транспортон фæрæзтæй горæтты мидæг æмæ бæстæйы масштабæй змæлд сæумæрайсомы 06:00 сахаты онг. Премьер-министр куыд банысан кодта, афтæмæй зæгъгæ фактонæй уый нысан кæны, ома бæстæйы масштабæй, 21:00 сахатæй сæумæрайсомы 06:00 сахаты онг, коменданты сахат кæй архайдзæн уый;
- Адæмы бынативды контрол æмæ сæ æнæниздзинады уавæр басгæрсты нысанæн, гоймæгты бынативды контролы æмæ уæлрадон уавæры фæкарзгонд домæнты æмæ ацы домæнты сæххæсты нысанæн, афтæдæр фыццагон термоскринигы нысанæн сырæздзæн контролон пункттæ – г. Тбилисы, г. Батумы, г. Кутаисы, г. Руставы, г. Поты, г.Зугдиды, æмæ г.Гуры. Ацы горæтты адмнистрацион арæнты сконтрол кæныны нысанæн, ацы мадзæлттæ æххæст кæндзысты, мидхъуыддæгты министрады тыхтæ æмæ хъахъхъæнынады министрады æмбæлгæ уагдæттæ;
- Уымæй уæлдай ма, кæцыфæнды æмбæстагмæ, цыфæнды афон горæты змæлды рæстæджы, йемæ хъуамæ уа гоймагы бæлвырдгæнæн æвдисæнгæххæт. Гиорги Гахариайы куырдиатæй, зæгъгæ фæнысангонд регуляцийы сæххæст кæнын афтæдæр иттæг нысаниуæгджын у;
- Гуырдзыстоны хицауады сæргълæууæгы æмбарынгæнæнмæ гæсгæйæ, коменданты сахатæй кæй хонынц уыцы рæстæджы, 21:00 сахатæй сæумæрайсомы 06:00 сахат онг кусдзысты æрмæстдæр афтектæ.
Афтæма, кусдзæн хицауады тæвд хахх – 144, кæцы æнæфидгæ уыдзæн æмæ æмбæстæгтæн баххуыс кæндзæн координацидзинады кæцы фарсты фæдыл.
Гуырдзыстоны юстицийы министр, Тея Цъулукианийы æмбарынгæнæнмæ гæсгæйæ, бæлвырд уагæвæрд халыны тыххæй æнæивгæйæ баззайдзæн санкциты бæрц (физикъон уæнгæн – 3000, æрмæст юридикъон уæнгæн та – 15000 лари). Фæнысангонд ми фæлхатгæ ракæныны тыххæй, фæтксæттæг уæнгтæ ахстæй æфхæрд æрцæудзысты.
