Гуырдзиаг дохтыртæ Важа Гаприндашвилийæн фарс рахæцынæн – акцитæ  Тбилис æмæ регионты
Гуырдзиаг дохтыртæ Важа Гаприндашвилийæн фарс рахæцынæн – акцитæ Тбилис æмæ регионты

Цхинвалы  оккупацион режимы  ахст Важа  Гаприндашвилийæн фарс рахæцынæн,  «урс  халатты»  акций Тбилис æмæ  Гуырдзыстоны, зæгъæн ис  алы  сахары  ацыд.

Медицинон сферæйы минæвæрттæ  æрымбырд сты  Кутаисы, клиникæты  раз æмæ  Важа Гаприндашвилийæн солидарондзинад  расидтысты.

Сæ ныхæстæм гæсгæ, зæгъгæ Важа Гаприндашвилийы, оккупанттæ æнæзакъононæй  æрцахстой æмæ  уый  æнæаргъæвгæйæ  хъуамæ  ссæрибар уа.

Бæстæйы  масштабæй  цæугæ «урс халатты»  акцимæ  баиу ис  Зугдиды  рефералон   госпиталы  медперсонал дæр.

Клиникæйы  директор Ника Чъежиа  оккупацигонд Цхинвал æмæ  Абхазы  кусæг  коллегæтæм баздæхт æмæ сæм æрсидтис,   баиу  уой акцимæ æмæ   дохтыр Важа Гаприндашвилийы   ссæрибар кæнын æркурой.

«Урс халатты»  акци ацыд   Самегрело-Уæллаг Сванеты»  алы  медицинон  уагдоны. Афтæдæр Батумы, Телавы, Гуры æмæ  Руставы.

Тбилисы  æнæсдзургæ акци  ауагъдта «Медиклабы»  персонал. Уыдон курынц  Важа  Гаприндашвилийы  йæ бинонтæм   æдасæй  æрыздахын.

Акцийыл  комментари  сарызта  Важа Гаприндашвилийы  бинойнаг. Тамила  Лапанашвилийы дзырдæй,  зæгъгæ  организаци «Сырх Дзуар» Важа Гаприндашвилийы  бæрæгдзау  ацы  афонмæ нæ бацыд.

Тамила Лапанашвилийы  фидиуæнæй,   зæгъгæ  кæд  «Сырх Дзуар»  йæ   лæгы  бæрæгдзау  абон дæр  нæ бацæудзæн, уæд организацийы  офисы  раз  акци сырæздзæн.

Гуырдзыстоны  æмбæстаг, Тбилисы цæрæг дохтыр Важа Гаприндашвилийы  оккупацигонд Орчъосанмæ хæстæг, цалдæр боны размæ  æрцахстой.

Дохтыры  ныхмæ   де-факто режим    тугтæрхоны  барады  хъуыддаг рахаста  рæгъмæ. Цхинвалы   оккупацион режим  дохтыр Важа Гаприндашвилийæн дыууæмæййон развæлгъау  ахст стæрхон  кодта.

Ныууадз комментари