Уыдис нын уынаффæ  нæ балы æхсæн, хицауады, кæй зæгъын æй хæъуы,  парламенты  минæвæрттимæ дæр æмæ ахицæн кодтам  ацы моментмæ  иунæг  гæнæн æмæ раст  уынаффæ уыдзæн  –  2021  азы  дæргъы Гуырдзыстоны æмбæстæгтæ  электроэнергийыл тарифты  фæфылдæр  нæ  банкъардзысты, – уый фæдыл  æхсæнуагдонон координацион советы  рабадты фæстæ  лæвæрд брифингыл райхъусын кодта Гуырдзыстоны премьер-министр Гиорги Гахариа.

Хицауады сæргълæууæгы  дзырдæй, зæгъгæ уый нысан кæны, цæмæй  Гуырдзыстоны хицауад æххæстæй  субсидитæй  бамбæрздзæн 300 киловаты онг фæлхасад абонентæн,  электроэнергийы  абон архайæг  тарифы æмæ фæзынаргъгонд тарифы  æхсæн хъауджыдæрдзинад, кæцыйы  Энергетикæйы регуляцигæнæг комисси абон сбæлвырд кæндзæн.  «Гуырдзыстоны ис æмтгæй  райсгæйæ  1.7 милуан абонент, кæцытæй  1.6  милуан абонент  фæлхас кæнынц 300  квт/схт-æй  къаддæр   элеткроэнерги», – банысан кодта  премьер.