Германийы  президент официалон визит райдыдта Саломэ Зурабишвилиимæ фембæлдæй
Германийы президент официалон визит райдыдта Саломэ Зурабишвилиимæ фембæлдæй

Атонелийы президентон резиденцийы  Германийы  президенты Франк-Вальтер Штайнмайерæн  размæ разыды  официалон церемони сырæзт. Немыцаг  коллегæйæн  Гуырдзыстоны президент Саломэ Зурабишвили  фысым кæны.   Официалон церемонийы  фæстæ  президенттæ  нырма комкоммæ  кæрæдзиимæ стæй  та  уæрæх  форматы  фембæлд ауадздзысты.  Фембæлдты  фæстæ медийæн сырæздзæн  иумæйаг фидиуæнтæ. Президенттæ журналистты фарстатæн ратдзысты дзуапп.

Президентон резиденцийæ  Франк-Вальтер Штайнмайер  араст уыдзæн  закъондæттæг органмæ. Германийы  президентæн уым сфысым кæндзæн парламенты  сæрдар Арчил Талакъвадзе. Афтæдæр  абонмæ плангонд у  Германийы   президенты æмæ    Гуырдзыстоны премьер-министр, Гиорги Гахариайы  фембæлд.

Гуырдзыстоны преизденты администрацийы  информацийæ,  официаолон визиты фæлгæтты, Франк-Вальтер Штайнмайеры, кæцы  Гуырдзыстонмæ фæуазæг йæ бинойнагимæ  Элке Бюденбендеримæ иумæ,  Гуырдзыстоны  Каталикос-Патриарх Илья  Дыккаг райсдзæн.

Германийы президент Гуырдзыстоны иудзинадæн  тохы  фæмардуæвæг æхсарджынты  мемориалыл дидингуытæ  сывæрдзæн.

Германийы   Федеративон Республикæйы   президент Тбилисы,  гуырдзиаг бизнесментимæ  фембæлдзæн,  фæуазæг уыдзæн Кахетмæ æмæ  цалдæр бынæттон   сæндуцæг заводыл  ахæсдзæн цæст.

Официалон визиты   культурон   программæйы фæлгæтты,   Франк-Вальтер Штайнмайер   Алавердийы   моладзандон  æмæ Эрекле  Паддзахы  музей  фендзæн.

Ныууадз комментари