Германи Ленинграды блокъадæйы рæстæджы чи аирвæзт уыдонæн баххуыс кæнынæн 12 милуан евро рауæлдай кæндзæн
Германи Ленинграды блокъадæйы рæстæджы чи аирвæзт уыдонæн баххуыс кæнынæн 12 милуан евро рауæлдай кæндзæн. Уый фæдыл Германийы фæсарæн хъуыддæгты министрад райхъусын кодта.
«Дойче Веллейы»-ы хъусинагæй, блокъадæйы рæстæджы чи аирвæзт уыдонæн æххуысæй дарддæр банысангонд суммæ хæсты ветерантæн рынчындæтты модернизацийы æмæ немыцаг-уырыссаг æхсæнадон центр саразынæн бахардз уыдзæн.
«Уырнæг стæм, цæмæй ацы барвæнд акци фæхуыздæр кæндзæн блокъадæйы рæстæджы чи аирвæзт уыцы адæмы цæрæн уавæртæ æмæ дыууæ бæстæйы нациты историон фидыдæн уыдзæн ахъаз», – дзырдæуы Уæрæсейы æмæ Германийы фæсарæн хъуыддæгты министрадты иумæйаг фидиуæны.
Германийы фæсарæн хъуыддæгты министр Хаико Маасы дзырдæй, зæгъгæ ацы жест уыдзæн символ, цæмæй Германи æмбары йæ бæрн. Афтæдæр сигнал цæмæй ахæм исты макуы уал сфæлхатт уа.
27 январы Уæрæсейы банысан кодтой Ленинграды блокъадæй фæуды 75-æм азы сæр. Ленинграды блокъадæ 1941 азы 8 сентябры райдыдта æмæ зæгъæн ис 900 бон аххæссыд. Ацы периоды дæргъы, æндæр æмæ æндæр бæрæггæнæнтæй, 400 минæй 1,5 милуаны онг адæймаг фæхъуыд. Уыдоны нымæцæй æрмæст 3% фæхъуыдысты хæцæн архæйдытты фæстиуæгæн, иннæтæ – сыдæй фæмардысты.