Евроуынынад  2018-ы  фыццаг æрдæгфинал  абон ацæудзæн
Евроуынынад 2018-ы фыццаг æрдæгфинал абон ацæудзæн

Португалийы  сæйраг сахары Европæйы  иуæй-иу  сеппæтæй престижон  музыкалон  конкурс  райдаы.

Евроуынынады  зарæджы рæнхъæй 63-аг конкурсы фыццаг  æрдæгфиналон  шоу Лиссабоны абоны сырæздзæн, кæцыйы 19  бæстæйы  æвзæрст  музыкант  финалмæ  ахизынæн  стох кæндзæн.

Ацы аз  еврофестивалыл Гуырдзыстонæй  этно-джаз бенд «ИРИАО»  рацæудзæн, кæцы  дыккаг æрдæгфиналы азардзæн  10 майы.  «ИРИАО»  сæххæст кæндзæн зарæг – «Шени Гулиствис» (Дæу Тыххæй).

«Альтис Аренæйы» сценæйыл  дыккаг æрдæгфиналы  18 конкурсант исынц хайад.  Кæсджытæ æмæ  жюри  уыдонæй равзардзысты  сеппæтæй  хуыздæр дæсойы, кæцы  финалы азардзæн, 12 майы.

Ацы аз Еврофестивалы хайад исынц  43  бæстæ. Адонæй  фондз бæстæйæн – Стыр Британийы, Германийы, Италийы, Францы æмæ Испанийы  конкурсанттæ,  афтæ куыд фысым Португали,  сæрмагонд  бæстæты номæй  рацæудзысты  финалон этапыл.

Знон, Евроуынынад 2018-ы  хайадисджытæн Лиссабоны сæйраг фæзыл  лæвæрд æрцыд  концерт.

«ИРИАОйы»  рацыдыл  кæсджытæ овацитæй  амбæлдысты.

Афтæма, дыууæ бон раздæр, «Евроуынынады»  конкурсанттæ   сырхы бæсты, символон  нысаниуæглджын  уæларвгъуыз  гауызыл  ацыдысты.

Фыццаг æрдæгфиналы  конмкоммæ трансляци,  Æхсæнадон телеуынынады  «Фыццаг Къаналы»  эфиры 23:00  сахатæй  райдайдзæн. Уæдмæ та 22:30  сахатыл, эфиры лæвæрд æрцæудзæн  Евроуынынады бончиныг.

Ныууадз комментари