Европæйы реконструкцийы æмæ  рæзынады  банкъ ( EBRD) æнæ æрмæст сегасæй  ставддæр партнер у  махæн, фæлæ ма у  организаци, кæцы принципон  роль сæххæст кодта Гуырдзыстоны рæзынады  æмæ  бирæазон  æмкуысткæнынады   дæргъы  200-йæ  фылдæр  проект сфинанс кодта, –   уый фæдыл Гуырдзыстоны премьер-министр  Гиорги Гахариайы æмæ  Европæйы реконструкцийы æмæ  рæзынады  банкъы, фыццаг  вице-президенты  Юрген Ригтеринкы  фембæлды  рæстæджы банысан ис.

Премьер-министры  пресс-куысты информацийæ,  премьер  райхъусын кодта, цæмæй  Гуырдзыстон  аргъ  кæны   Банкъы  хайбавæрдæн бæстæйы  рæзынады  хъуыддаджы.   Гиорги Гахариайы  дзырдæй,   Гуырдзыстоны æмæ   Европæйы реконструкцийы  æмæ рæзынады  банкъы æхсæн   уæвæг  партнерады  нысаниуæг, бæлвырд у  организацийы  къухдариуæггæнæг   уæнгты   визиттæй дæр.

Гуырдзыстоны премьер-министр  æмæ Европæйы реконстраукцийы æмæ  рæзынады банкы  фыццаг  вице-президент,  ног сферæты  æмкуысткæнынады   уæрæхдæр кæнынмæ цæттæдзинад равдыстой.

«Фæныхас  кодтам EBRD-ы æмæ  Гуырдзыстоны æхсæн    уæвæг  диссаджы   æмкуысткæнынадыл. Абоны  уавæрæй, Гуырдзыстоны 3.4  миллиард Евройы  бæрц  капиталæвæрд  нæм ис æххæст 235    проекты фæлгæтты.  Ай  æцæгдæр  диссаг у æмæ афтæмæй Гуырдзыстон лидер у  нæ  инвестицион  бæстæты æхсæн   инвестиргонд  капиталы фæйнæ удгоймагон æмбæрцадмæ гæсгæйæ»,- райхъусын кодта Юрген  Ригтеринк.

Европæйы реконструкцийы æмæ  рæзынады  банкъы фыццаг вице-президент  Гиорги Гахариайы,  Европæйы реконструкцийы  æмæ рæзынады  банкъы  хурыскæсæн партнерады  саммитмæ фæхуыдта, кæцы ноябры,  Лондоны ацæудзæн.