Европæйы инвестицион банк  Гуырдзыстоны  æнæнизхъахъхъæды инфраструктурæйы æххуысæн  100 милуан евройы  бæрц  инвестици нывæрдзæн, –  уый фæдыл  информаци хъуысын кæны  Гуырдзыстоны  Евроцæдисы  минæварад.

Афтæма сæ информацийæ,  Евроцæдисы гарантийæ ифтонггонд  Европæйы  инвестицион банкы  100 милуан  евройы  бæрц  кредит,  Гуырдзыстонæн ратдзæн фадат, сæххæст кæна  авд сæйраг   рычнындоны, сæ нымæцы  «COVID-19»-æй рынчын пациентты исæг   рынчындæттæй  арæзт   медицинон уагдæтты  модернизаци.

Кредит  афтæдæр йæ хъуыдыйы  дары «COVID-19»-имæ баст  æнæмæнгхъæугæ  медицинон ифтонггæрзтæ  балхæд.

«Фæнысангонд æххуысæй, Гуырдзыстонæн  йæ бон бауыдзæн  æнæнизхъахъхъæды системæ фæхуыздæр кæнын, сæрмагонд æмбæстæгты æмæ  медицинон  персоналы бахизын  æмæ   нырыккон фадæттæ  ратдзæн пандемийæн бафæразынæн», –  банысан кодта Европæйы инвестицион  банкы  вице-президент  Тереза Червинска.

Гуырдзыстоны Евроцæдисы минæвар Карл Харцеллы  фидиуæнæй, Евроцæдис  дарддæр  кæны  Гуырдзыстонæн  æххуыс кæнын пандемийы  периоды.

«Хæс нымад у  æнæнизхъахъхъæды  системæйы цы домæнтæ ис уыдоны сыххæст кæнынæн –  нысаниуæгджын  куыст сыххæст   уыцы  сылгоймæгтæ æмæ нæлгоймæгтæн баххуыс кæнынæн, кæцытæ   махæй æххуысы  аккаг сты.  Фæнысангонд суммæ  бамхас уыдзæн  уыцы 1,5 миллиард  ларийы бæрц æххуысмæ, кæцыйы мобилизаци  Евроцæдис æмæ  «Европæйы бал»  Гуырдзыстонæн баххуыс кæнынæн  ацы  азы  сифтонг кодтой», –  райхъусын кодта  Карл Харцелл.

Гуырдзыстоны æнæфæцудгæ  социалон æмæ  экономикон  рæзынадæн, Европæйы инвестицион банк цы  инвестицитæ сыххæст кодта, уыдоны  бæрц, 2  миллиард евромæ хæццæ  кæны.