Дональд Трамп - Кæд Иран маст сисын бахъавдзæн, уæд АИШ-ы дзуапп уыдзæн арвырттывдау тагъд æмæ тыхджын
АИШ-ы президент Дональд Трамп, Иранмæ бартъхъирæн кодта 52 мысанмæ хафтæй. Сæ нымæцы уыд культурон цырттæ дæр. Æмбæлон æтъхъирæнтæджын куырдиат АИШ-ы президент равæрдта «Твиттеры» сæрмагонд фарсыл.
Трапы дзырдæй, зæгъгæ «Кæд Иран маст сисын бахъавдзæн, уæд АИШ-ы дзуапп уыдзæн арвырттывдау тагъд æмæ тыхджын».
«Иран тынг дырысæй æмæ хаххгондæй дзуры, цæмæй цæттæ у, конкретон америкаг объекттæм лæбурдмæ æмæ уый саразын хъавы маст сисыны фæндæй, уымæн æмæ мах Дуне фервæзын кодтам сæ террористты лидерæй, кæцы амæйразмæ амардта америкагы æмæ бирæ æндæрты та фæцæф кодта. Уый йæ цæрæнбонты дæргъы бирæ адæмы ныццагъдта, сæ нымæцы ирайнаг демонстрантты. Лæбурдта нæ минæварадмæ æмæ æндæр рæттæм хафтытæм цæттæ кодта йæхи. Иран бирæ азтæ у æрмæст проблемæтæ аразы. Уый хъуамæ уа рагфæдзæхст, ома кæд Иран кæцыфæнды америкаг æмбæстагмæ кæнæ объектмæ бахъавдзæн, уæд мах, мысанмæ систам 52 ирайнаг объект (кæцы символонæй, бирæ азты дæргъы Ираны 52 америкагы амынæты кæй скодта уыцы нымæц у). Ацы нысæнтты хай Иранæн æмæ ирайнаг культурæйæн иттæг нысаниуæгджын сты. Уыцы нысæнттæ æмæ Ираны йæхи дæр тынг тагъд æмæ фидар ныххафдзыстæм. АИШ-ы фылдæр æртъхъирæнтæм хъусын нал хъавынц»- фыссы Дональд Трамп «Твиттеры».
Уæдмæ та, Иран бартъхъирæн кодта, цæмæй мысанмæ систа 52 америкаг объекты Æввахс Скæсæны, кæцытæ ныххафдзæн маст сисыны нысанæй.