Деа Кулумбегашвилийы  дебютон æххæстметражон фильм  «Райдайæн»   Триестейы  æхсæнадæмон  кинофестивалы уæлахизгонд у.  Уымæ лæвæрд æрцыд  хуыздæр фильмы хорзæх.  Церемони цыдис онлайн режимы æмæ йæ акæнджытæ уыдысты  Триестейы  кинфестивалы  аивадон къухдариуæггæнджытæ – Николетта  Ромео  æмæ  Фадрицио  Грозоли.

Фестивалы сæйраг  хорзæх  хуыздæр фильмæн  бавдыста  жюрийы уæнг  Паоло  Бертоллини, цæй фæстæ  дæр   хорзæхджынкæныны церемонимæ  Тбилисæй  онлайн ссиу ис  Деа Кулумбегашвили.

«Райдайæн»  у Дея Кулумбегашвилийы  дебютон  æххæстметражон фильм.  Уый  2020 азы  Канны  æхсæнадæмон  кинофестивалы  официалон  селекцийæ   равзæрстой.  Коронавирусы пандемийы  тыххæй,   кинофестивал нæ ацыд  традицион формæйæ, фæлæ  «Райдайæн»  фæстæдæр Канны  равдыстой  фестивалы  специалон рауагъды  фалгæтты.

«Райдайæны» Цæгат Америкæйы  премьерæ  ацыд Торонтойы  æхсæнадæмон  кинофестивалыл, кæцыйыл фильммæ лæвæрд уыд  кинокритикты æхсæнадæмон ассоциаци  (FIPRESCI)  хорзæх.  Фильмы дунеон премьерæ  та  ацыд Сан-Себастьяны  æхсæнадæмон  кинофестивалыл. Сан Себастьяны  фильммæ лæвæрд æрцыд цыппар  хорзæх: фестивалы сæйраг приз «Сыгъзæрин хæтæлхъуз», хуыздæр режиссеры  хорзæх (Деа Кулумбегашвили), хуыздæр  артист сылгоймаджы (Иа Сухиташвили)  æмæ  жюрийы специалон  приз  хуыздæр сценарийæн (Деа Кулумбегашвили, Рати Онели).

«Райдайæн»  айстой Лагодехы  муниципалитеты – Лагодехы  æмæ  йæ алыварс хъæуты.  Фильм ист æрцыд  националон киноцентры æххуысæй.   Фильм у  гуырдзиаг-францаг кинопродукци.  Триестейы  æхсæнадæмон  кинофестивал 1989  азæй  цæуы  æмæ уый  Централон æмæ Скæсæн  Европæйы   акæнæг  италиаг  фестиваль у.