Украинæйы денджызон наутæм Уæрæсейы лæбурд æмæ сæ ахст у æхсæнадæмон денджызон барады гуырымыхъхъ  саст –  уый фæдыл  Гуырдзыстоны   фæсарæн хъуыддæгты  министр Давит Залкалиани  «Твиттеры»  фарсыл  фыссы.

Залкалиани  Украинæйы айтынггонд  фæзындты кой  кæны.

«Лæмбынæг мæ хъус дарын  Азовы денджызы  æмæ Керчы донкъубалы  цæугæ  мæтæфтауæг фæзындтæм.  Украинæйы  денджызон наутыл бырст æмæ сæ ахст у  æхсæнадæмон денджызон барад гуырымыхъхъ  саст æмæ  тæссаг у æнæхъæнæй   регионы æдадсзинадæн.  Гуырдзыстон йæ фарс  хæцы  Украинæйы  суверенитет æмæ   территорион æнæхъæндзинадæн.

Æхсæнадæмон дзыллæйæ  курæг стæм,   райсæт  æнæаргъæвгæ мадзæлттæ  уавæры деескалацийæн», – фыссы  Давит Залкалиани.

Уырыссаг наутæ  Украинæйы  катертыл  Одессæйы наулæууæнæй  Мариуполы портмæ  змæлды  рæстæджы æхст  райдыдтой.  Инциденты фæстиуæгæн  Украинæйы   æхсæз  æмбæстаг  фæцæф сты.  Украинæйы  президенты  минæвары хъусинагæй  уырыссаг  арæнхъахъхъæнджытæ  ныридæгæн  20-æй  фылдæр украинаг æфсæддоны   æрцахстой.