Брюсселы Гуырдзыстон-Евроцæдисы ассоциацидзинады  советы  рабадт ацæудзæн
Брюсселы Гуырдзыстон-Евроцæдисы ассоциацидзинады советы рабадт ацæудзæн

Брюсселы абон Гуырдзыстон-Евроцæдисы  советы  æхсæзæм рабадт ацæудзæн. Рабадты  хайад  райсдзæн   Гуырдзыстоны  премьер-министр Ираклий Гъарибашвили, кæцы  Бельгийы сæйраг горæты ис  хицауадон делегациимæ иумæ.

Гуырдзыстон-Евроцæдисы  ассоциацидзинад советы рабадты фæстæ, ацæудзæн   премьер-министр Ираклий Гъарибашвилийы, фæсарæн хъуыддæгты  æмæ æдасдзинады  политикæйы фарстæты  Евроцæдисы бæрзонддæр минæвар Жозеп Борелы  æмæ Европаг æмæ  сыхагон политикæйы  æмæ ауæрæх  фарстæты  еврокомиссар Оливер Вархейы   иумæйаг пресс-конференци.

17 марты   бæрзонд  æмвæзы  фембæлдтæ  ацæудзæн   европарламент æмæ НАТО-йы. Гуырдзыстоны  хицауады  сæргълæууæгæн НАТО-йы  штабы сфысым кæндзæн альянсы генералон   нымæрдар  Йенс Столтенберг.   Фембæлды фæстæ   Ираклий Гъарибашвили  æмæ  Йенс  Столтенбергы иумæйаг  пресс-конференци  ацæудзæн.   Афтæма плангонд у  НАТО-Гуырдзыстоны  комиссийы  рабадт.

Брюссельмæ визиты рæстæджы, Ираклий Гъарибашвили  нырид ауагъдта  фембæлдтæ  Европаг Советы президент Шарль Мишелимæ  куыд комкоммæ,  афтæ æхгæд форматы.  Ираклий Гъарибашвили  афтæдæр фембæлдис  Бельгийы  премьер-министр  Александр де Крооимæ.

Гуырдзыстоны делегацийы сконды, кæцыйæн къухдариуæг кæны Ираклий Гъарибашвили, афтæдæр сты  вице-премьер, фæсарæн хъуыддæгты  министр Давит Залкалиани,  экономикæйы  æмæ æнæфæцудгæ   рæзынады министр  Натиа Турнава  æмæ юстицийы  министр Гоча Лорткипанидзе.

Премьер-министримæ æмæ  хицауады  деплегациимæ иумæ,  Брюсселы ис  Гуырдзыстоны Евроцæдисы минæвар Карл Харцелл.