Зæгъгæ абон Гиорги Гахариа  йæ  куыстæй йæхи суæгъд кодта, уый  уыдаит фыдыбæстæйыл гадзрахатдзинад,  комкоммæ нысаниуæгæй –  уый фæдыл  парти «Гуырдзиаг Бæллиццы» сæрдар Бидзина Иванишвили  загъта журналисттæн.

Йæ ныхæстæм гæсгæ, хицæн  цауты  æнæпропорцион  тыхæй   спайдайы  цаутыл фæдагуырд дарддæр кæны.

«Кæд хицæн цауты  æнæпропорцион тыхæй  спайда кодтой,  уый фæдыл  цæуы фадагуырд. Прокуратурæ фæд æвзары, иу  пъæлицæйаг  ахст  у,  иннæтæм та  акæсæм цы  фæбæрæг уыдзæн фæдæвзарæны процессы», –  райхъусын кодта Бидзина Иванишвили.

Афтæма, «Гуырдзиаг Бæллиццы»  сæрдары дзырдæй,  мидхъуыддæгты министры Гиорги Гахариайы  куыстуæгъд зæгъгæ  абон, уыдаит гадзрахатдзинад.

«Гиорги Гахариа  йæ  куыстæй йæхи суæгъд кодта, уый  уыдаит фыдыбæстæйыл гадзрахатдзинад,  комкоммæ нысаниуæгæй, уымæн æмæ Гахариа йæ  куыстæй  йæхи куы  систаит  21-ы  æмæ 22-мы, уæд ацы  лæппутæ, чидæриддæр  организатортæ уыдысты  æм уыцы  политикътæ, кæцытæ  ахæм сидтытæ  кодтой  æмæ  архайдтой  парламентмæ  балæбурын, уæд ма цæмæн  хъуамæ бацыдаиккой  парламентмæ, бафæрсут ма сæ, цы сæ хъуыдис  парламенты  тыхæй   куы лæбурдтой кæд æмæ сæ  паддзахадон фæфæлдæхт нæ хъуыдис  уæд.  Цæй зæгъын æй хъæуы,  уый уыдис сæ фæнд, æмæ зæгъгæ  Гахариа йæ  куыстæй  йæхи систа, уæд  мидхъуыддæгты министрад   нал уыдаит.

Тыхмидзинад куы рцæуы, сæйраг институтмæ  тых бахæссын,  парламентмæ, æмæ йæ  пъæлицæй нæ  баиргъæвы, уæд цæй зæгъын æй хъæуы, мидхъуыддæгты министр дзуаппмæ лæвæрд хъуамæ æрцæуа æмæ йæ  куыстæй сисын æнæмæнгхъæугæ у. Фæлæ уый  бахъом ис парламент бахъахъхъæнын.  Баиргъæвта тыхгæнæг  политикътæ, «Рустави2»-ы бардарджыты,  паддзахадон институт – парламент æмæ бахъом ис, цæмæй   ног æнамонддзинад  нæ  бауагъта  дзыллæйы онг.  Уый  æппæт куы  нæ сарызтаит, уæд йæ  куыстæй  йæхи  хъуамæ  систаит. Ныр цæуы фæдагуырд, кæд хицæн  пъæлицæйæгтæ пропорцион тых  фæуæлдайджын кодтой, уыдон  закъоны раз ратдзысты дзуапп. Гахариа æмæ мидхъуыдæгты  министрад,  Хуыцауы  руаджы, аккагæй  бахъом  сты  æмæ тыхгæнджытæй,  бунтгæнджытæй  баиргъæвдтой   паддзахадон институт  æмæ  ног æнамонддзинады онг нæ  бакодтой  бæстæ»,- райхъусын кодта Бидзина Иванишвили.

Афтæма, Бидзина Иванишвили  райхъусын кодта, цæмæй   нæдæр Вашингтонæй æмæ нæдæр Европæйæ, 20 июны  тыхæй  спайдайы  легитимондзинадыл  фарст никæмæ фæзындис.