Азербайджаны  фæсарæн хъуыддæгты министрад оккупацигонд Абхазы  уагъд а.х.  президентон æвзæрстытæм гæсгæ публикаци кæны фидиуæн.

Фидиуæны куыд дзырдæуы, афтæмæй,  Азербайджан  бæлвырд кæны йæ хъæддых  фарсхæцынад Гуырдзыстоны суверенитет æмæ территорион æнæхъæндзинадæн  æмæ  нымадмæ нæ исы  25 августы Гуырдзыстоны регион Абхазы   уагъд а.х.  президентон æвзæрстытæ.

«Азербайджаны фæсарæн хъуыддæгты министрад  бæлвырд кæны йæ хъæддых  фарсхæцынад Гуырдзыстоны суверенитет æмæ территорион æнæхъæндзинадæн  æмæ  нымадмæ нæ исы  25 августы Гуырдзыстоны регион Абхазы   уагъд а.х.  президентон æвзæрстытæ  æмæ сæ фæстиуджытæ.  Азербайджаны  фæсарæн хъуыддæгты  министрады уырны, цæмæй  Абхазы  фарстайы  сабырадонæй аскуыддзагæн æнæмæнгхъæугæ у  бадзырдтæ адарддæр кæнын  æхсæнадæмон барады нормæты  æмæ  принциптæм æмбæлгæйæ», –  дзырдæуы  Азербайджаны фæсарæн хъуыддæгты  министрады  веб-фарсыл  публикацигонд фидиуæны.

Уæрæсейы оккупацигонд Абхазы а.х. президентон æвзæрстытæ  25 августы  ацыд.  А.х. президентон æвзæрстыты, ацы  афонмæ  уæвæг информацийæ,   хъæлæстæ æгъгъæд  бæрц иунæг кандидат дæр нæ райста.