Евроцæдисы Гуырдзыстонæн   солидарондзинады  нысанæн,  цы  суммæтыл æрныхас кодтой  уыдонæй  уæлдай,   500  милуан евройæ  фылдæр  сифтонг кæндзæн  «Ковид-19»-ы проблемæ  аскуыддзаг  кæнынæн  æмæ  экономикæ  сæндидзын кæнынæн.  Æххуыс  баст  у   реформæты  прогрессимæ, закъоны  сæйрагдзинадимæ,  тæрхонон æмæ æвзарæнон  реформæимæ, – уый фæдыл  Лиептувæйы  раздæры   премьер-министр  æмæ  европарламентар Андриус Кубилисус  фыссы  «Твиттеры».

Евронесты  парламентон   ассамблейы   Европаг   парламенты  делегацийы  сæрдар Андриус Кубилиус   афтæдæр публикаци кæны   сæрмагонд  уæрæх    куырдиаты  текст, кæцыйы  мидæг Гуырдзыстонæн   Евроцæдисы  æххуысы  тыххæй  дзырдæуы.

«Европарламенты  сæрдармæ куыд æмбæлы афтæ  Евронесты  парламентон  ассамблейы,  мæ  фæнды  хъусдард раздахын  уыцы  стыр  æххуысыл, кæцы  500 милуан евройæ фылдæр  у  æмæ кæцыйы  Евроцæдис æмæ йæ æхсæнадæмон   партнертæ  Гуырдзыстонæн дæттынц, цæмæй  сæххæст кæна реформæтæ,  тох кæна «Ковид-19»-ы  пандемиимæ æмæ йæ  социалон  æмæ  экономикон   фæстиуджытимæ.

Ацы  æххуысы   нысаниуæгджын   компонент  баст у  Гуырдзыстон йæхимæ цы   хæстæ  райста, сæрмагондæй   та  закъоны  сæйрагдзинады, коррупциимæ  тохы,  æвзарæнон реформæйы,  эконмикон   фæткдариуæгы æмæ   рухсдзинады сферæты.

Цæттæ стæм  баххуыс  кæнæм Гуырдзыстонæн, цæмæй  йæм уа  сегасдæр бæрзонд стандартты тæрхонон системæ  æмæ  рухсдзыд   æвзарæнон процесс æмæ   алцыппæт  сараздзыстæм,  цæмæй   баххуыс кæнæм  Гурдзыстонæн æмæ йæ  адæмæн, фæхæст уæт максималон пайдайыл  æргом  демокративон  хицауиуæгæй, адæймаджы  барты  хъахъхъæдæй,   экономикон рæзынадæй  æмæ фарнæй», – райхъусын кодта  Кубилиус.

Андриус  Кубилиусы  дзырдæй,   зæгъгæ йæм   ныфыс ис, цæмæй иу  бон  Гуырдзыстон цæттæ уыдзæн   Евроцæдисы  уæнгæй  суын.

#EU in solidarity with #Georgia – in addition to agreed funding, will provide over 500mln eur to address #COVID19 and assist recovery. Support is bonded to reform progress in rule of law, judicial & electoral reform.https://t.co/uS61kZCc21

— Andrius Kubilius (@KubiliusA) May 13, 2020