АИШ-ы Сенаты рагысгарæг комитет -  Хилари Клинтоны электронон пост басæттыны  бардзырд ратта Владимир Путин
АИШ-ы Сенаты рагысгарæг комитет - Хилари Клинтоны электронон пост басæттыны бардзырд ратта Владимир Путин

АИШ-ы  сенаты  рагысгарæг комитеты хыгъдлæвæрдмæ гæсгæ, Хилари Клинтоны  электронон  постмæ  баирвæзыны  бардзырд Путин ратта.  Уый фæдыл 2016 азы  æвзæрстыты процессы Уæрæсейы гæнæн хифæкæныны  фарсты фæдыл  бакуыст  кæронбæттæн  версийы мидæг дзырдæуы.

Сæрмагондæй та, документы  мидæг дзырдæуы,  цæмйæ  демокративон  партийы   сервертæм баирвæзыны  æмæ   президенттæм кандидат  Хилари Клинтоны  сæрмагонд фыстæджытæ  адавынны  бардзырд  сæрмагондæй  Путин  ратта.

Афтæма, хыгъдлæвæрды мидæг банысангонд у, цæмæй  Мæскуыйæн  йæ нысан  уыдис  Клинтоны кампанийæн разнаггад кæнын, йæ  балы  дискредитаци скæнын, Трампы  кампанийæн баххуы скæнын  æмæ АИШ-ы  демокративон   процесстæн сæ бын ракъахын.

Сенаты  рагысгарæг  комитеты  сæрдары  хæдивæг, демократ сенатор  Марк Уорнер   райхъусын кодта, цæмæй  хыгъдлæвæрд бæлвырд кæны Дональд Трампы  æмбæлтты æмæ  уырыссаг  шпионты  æхсæн котакттæ.

Йæхи æрдæгæй   комитеты  сæрдар, республикаг сенатор   Марко Рубио   ацы  информаци бафаудта  æмæ  загъта, цæмæй Трампы  Уæрæсеимæ бастдзинад,  фæдагуырды рæстæджы  не сбæлвырд ис.

Хыгъдлæвæрдмæ гæсгæ,   Дональд Трампы  алыварслæуджытæй  Уæрæсейы фарсимæ  контакттæ фидар кодта Пол Манафорт, кæцы  2016 азы  Трампы  æвзарæнон штабæн къухдариуæг кодта.  Сæрмагондæй  та   Манафорт æмкуыст кодта    уырыссаг миллиардер   Олег Дерипаскаимæ  æмæ  полит-технолог  Константин Климкинимæ, кæцыйы  сенаты хыгъдлæвæрды  хонынц «Уæрæсейы  бæрæгдзау офицерæй».

Хыгъдлæвæрды автортæ нымайынц, цæмæй  Уæрæсейы рагысгарæг куысты  тыхархайдæн афтæдæр æххуыс кодта  веб-фарс  «Викиликс»  кæцыйыл  2016 азы  æвзæрстыты  размæ, публикаци скодтой   АИШ-ы  Демокративон Партийы  документтæ.

Йæхæдæг Трамп  та хъусын кæны, цæмæй  Сенаты  рагысгарæг комитеты  хыгъдлæвæрд нæма  бакастис, æмæ йын ницы  бастдзинад ис  Уæрæсе æмæ Украинаимæ.

Ныууадз комментари