АИШ-ы   паддзахадон департаменты  пресс-куыст  Майк Помпеойы  Гуырдзыстонмæ визиты фæдыл информаци  ахæлиу кодта,  кæцыйы мидæг  паддзахадон нымæрдары,   премьер-министр Гиорги Гахариа  æмæ   фæсарæн хъуыддæгты министр  Давит Залкалианиимæ  фембæлды тыххæй хъусын кæны.

«Паддзахадон нымæрдар Помпео æмæ   премьер-министр Гахариа  æркастысты  сæрибар, рæстаг æмæ рухсдзыд  парламентон æвзæрстыты  æмæ  демократийы   хæдбар   расттæрхоны  ролы  нысаниуæг. Нымæрдар  æрсидтис Гуырдзыстонмæ, адарддæр кæна   активон   мадзæлттæ  исын «Ковид-19»-ы пандемийы  басæттынæн  æмæ   киберæдадсзинад стынг кæнынæн.  Нымæрдар Помпео  афтæдæр  фехъусын кодта АИШ-ы æнæфæцудгæ  фарсхæцын  Гуырдзыстоны суверенитеты æмæ территорион æнæхъæндзинадæн  уырыссаг оккупацийы  фоныл», –  кæсæм   падзахадон департаменты  информацийы.

Майк Помпео Гуырдзыстонмæ дыууæбонон визитæй  17 ноябры  æрцыд.  АИШ-ы  паддзахадон нымæрдар  Тбилисы официалон фембæлдтæ  знон сæумæрайсомæй  райдыдта.

АИШ-ы  паддзахадон нымæрдар  фыццаг фембæлдис Гуырдзыстоны президент Саломэ Зурабишвилиимæ. Фæстæдæр  хицауады  администрацийы  Майк Помпео  премьер-министр  Гиорги Гахариаимæ  æмæ  фæсарæн хъуыддæгты министр  Давит Залкалианиимæ  фембæлд.  Уый фæстæ та  фембæлд ацыд  Æппæт Гуырдзыстоны Каталикос-Патриарх Илья Дыккагимæ.  Майк Помпео  афтæдæр фембæлдис, æмбæстагон дзыллæйы  минæвæрттимæ.