Æвзарæнон фадгуыты зæгъæн ис 100 проценты бахыгъды фæстæ, Саломэ Зурабишвили райста 38.63%, Григол Вашадзе та 37.74%
Централон Æвзарæнон Камисы бæрæггæнæнтæй, ацы рæстæгмæ 3705 æвзарæнон фадыгæй бахыгъд сты 3692+11 фадыг, кæцы æмтгæйон нымæцы 99.95 процент у.
Фæнысангонд фадгуыты фæстиуджытæм гæсгæ, Саломэ Зурабишвили æрымбырд кодта 615 403 хъæлæс, кæцы у 38.63 процент, æрмæст Григол Вашадзе та 601 175 (37.74процент).
Æртыккаг бынатыл ис Давит Бакрадзе, 174 699 хъæлæсæй, кæцы æмтгæйон нымæцы 10.97 процент у.
Иннæ кандидаттæ, хъæлæсты цыппар процентæй каддæр æрымбырд кодтой.
Брифингыл ЦÆК-ы сæрдар Тамар Жваниа куыд райхъусын кодта афтæмæй, Гуырдзыстоны президенты æвзæрстыты бон, æвзарæнон фадгуытыл фылдæр сабыр уавæрты ацыд æмæ исты сæрмагонд инциденттæ не рцыд зæгъгæ, хицæн процедурон равгы сахъаттæй дарддæр, кæцыты фылдæрыл Жваниайы дзырдæй, æвзарæнон администраци уайтагъд реагир кодта бынатыл.
«Æвзæрстгæнджыты æмтгæйон нымæц уыдис 3 518 877, кæцымæ афтæдæр цыдысты фæсарæнты æвзæрстытæм регистрацигонд уæнгтæ, сæ нымæцы 14 795 Гуырдзыстоны закъондæттынадмæ гæсгæйæ фæсарæнты адрисыл регистрацигонд æмбæстæгтæ сты.
28 октябры 20:00 сахаты бæрæггæнæнтæй, халæппæрсты хайад райстой 1 637 956 æвзæрстгæнæг, кæцы æмтгæйон нымæцы, 46, 74 % у. Развæлгъау фæстиуджытæм гæсгæ ацы рæстæгмæ бахыгъд сты 3703 фадыгы бæрæггæнæнтæ, кæцы у зæгъæн ис фадгуыты 100%»- райхъусын кодта Тамар Жваниа.
Гуырдзыстоны закъондæттынадæ гæсгæйæ, президентон канидадтæн уæлахиздзинадæн хъæуы 50%+1 хъæлæс. Æвзæрстыл нымад æрцæудзæн Гуырдзыстоны президенттæм уыцы кандидат, кæцыйæн схъæлæс кодтой æвзæрстыты хайадисджыты æрдæгæй фылдæр. Æвзæрстыты хайадисджыты хъæлæсты нымæцы хаст не æрцæудзысты мæнгыл банымад бюллетенты хъæлæстæ.
Кæд æвзæрстыты фыццаг туры хъæлæсты хъæугæ нымцы иунæг кандидат дæр нæ райсдзæн уæд снысан уыдзæн дыккаг тур. Дыккаг туры æвзæрстгæнджытæ æвзарæн хъуамæ саразой фыццаг туры дыууæ сеппæтæй хуыздæр фæстиуæг кæмæн уыдис уыцы канидадтты æхсæн. Æвзæрстыты дыккаг туры снысан кæны Централон Æвзарæнон Камис æмбæлон барамындæй. Æвзæрстыты дыккаг тур уагъд цæуы фыццаг туры фæстиуджыты публикацийы рауадзынæй дыууæ къуырийы сæрыл. Дыккаг туры уæлахизгондыл нымад æрцæудзæн уыцы кандидат, кæцыдæриддæр æрымбырд кæндзæн фылдæр хъæлæстæ. Кæд æмæ Æвзæрстыты дыккаг туры канидадттæ æмбæрц хъæлæстæ æрымбырд кæной, уæд ацы цауы уæлахизгондыл нымад цæуы уыцы кандидат, кæцы сæ фыццаг туры æрымбырд кодта фылдæр хъæлæстæ.