Æхсæнадон транспорты 1 февралæй скусдзæн æнæбæрц лимитты абонентон системæ
Фыццаг февралæй æхсæнадон транспорты абонентон æнæбæрц лимиты системæ скусдзæн. Уый фæдыл сæйраг горæты мэр Каха Каладзе райхъусын кодта Тбилисы хицауады рабадтыл.
Каха Каладзе куыд банысан кодта афтæмæй, фыццаг февралы онг, æхсæнадæн, метро, автобус, микроавтобусæй фæлхасгæнджытæн уыдзæн фадат абонементтæ балхæнын.
Йæ ныхæстæм гæсгæ, 5 январæй райдайдзæнис картæты уæй метройы кассæты æмæ «Гуырдзыстоны Банкы» экспрес филиалты.
«Абонементы тыххæй та нын уыдзæн æнæбæрц 90 минутон картæ, кæцыйы аргъ уыдзæн иу лари, уыцы адæймæгтæн, чидæриддæр арæх пайда кæнынц æхсæнадон транспортæй æмæ сæ нæ хъæуы уæлбарджын аргъæй дæргъвæтин картæты балхæнын, 90 минуты дæргъы иу ларийæ сæ бон уыдзæн кæцыфæнды типы транспортæй, метро, автобус, микроавтобусæй балц кæнын æмæ ацы транспорттæй сæ иу иннæмæй раивынæн сæ уæлæмхасæй хца бафидын нал бахъæудзæн 90 минуты дæргъы.
Дыккаг, æрбайсдзыстæм æнæбæрц лимитæй, иу бонон картæ, кæцыйы аргъ уыдзæн æртæ ларийы. Ацы картæйæ пайдагæнджытæн сæ бон уыдзæн æнæхъæн боны дæргъы, цыфæнды типы æхсæнадон транспортæй балц кæнын уыцы 3 ларийæ.
Афтæдæр нæм уыдзæн æнæбæрц лимитæй иукъуырион картæ, кæцыйы аргъ уыдзæн 20 лари. Ацы картæ кæмæ уыдзæн, уыдонæн сæ бон уыдзæн æнæхъæн къуырийы дæргъы балц кæнын алыгъуызон æхсæнадон транспортыл.
Æнæбæрц лимитæй иумæййон картæйы аргъ уыдзæн 40 лари. Ацы картæйы хицæуттæн, æнæхъæн мæйы дæргъы сæ бон уыдзæн цыфæнды типы æхсæнадон траснпортæй балц кæнын æрмæст фæнысангонд 40 ларийæ. Афтæдæр нæм уыдзæн æртæмæййон картæ, кæцыйы аргъ у 100 лари, ацы картæ та ноджы бæрзонддæр экономийы фадат дæтты транспортæй активон пайдагæнджытæн. Уыдзæн ма нæм 6 мæййон картæ 150 ларийы аргъæй. Афтæдæр уыдзæн иу афæдзон картæ 250 ларийæ, кæцыфæнды æхсæнадон транспортæй æнæбæрц лимитæй пайда кæнын уыдзæн гæнæн.
Афтæдæр ма нæм ис уæлбарджын программæтæ. Æнæфидгæйæ æхсæнадон транспортæй балц кæндзысты Тбилисы регистрацигонд цæстырухсхъуаг уæнгтæ, семæ чи уыдзæн æмæ сæ чи хизын кæндзæн уыдон дæр, афтæма скъоладзаутæ, сыхы инспектортæ, Тбилисы пъæлицæйы департаменты сæйраг уагдоны кусджытæ. Тбилисы муниципалон рæвдауæндæтты кусджытæ, Тбилисы регистрацигонд ветерантæ æмæ æнд. Уæлбарджы тарифтæй балцы тыххæй та зæгъдзынæн – 20 тетри бафидыны барæй пайда кæндзæн Тбилисы уæллаг ахуыргæнæндæтты студенттæ, паддзахадон иумæйагрухсадон уагдæтты кусджытæ, пенсионертæ, Тбилисы сæрмæмулкы уæвæг сыхты дохтыртæ, педиатртæ, мандатон куысты минæвæрттæ æмæ æнд. Афтæдæр нæм ис 10 тетрийы аргъæй уæлбарджын балцы тарифæй, кæцыйæ пайда кæндзысты социалонæй æнæхъахъхъæд æмбæстæгты базæйы уæвæг 70 мин æмæ ныллæг баллтæ кæмæ ис Тбилисы территорийыл цæрæг æмбæстæгтæ», – райхъусын кодта Каха Каладзе.