Абон фæбæрæг уыдзæн Стыр Британийы премьер-министр
Абон фæбæрæг уыдзæн Стыр Британийы премьер-министр

Абон Стыр Британийы «Консервативон партийы»  ног  лидер æмæ   уымæ гæсгæйæ  бæстæйы премьер-министр  фæбæрæг уыдзæн. «Консервативон партийы»  уæнгтæ  дыууæ кандидатæй  хъуамæ сывзарой – фæсарæн хъуыддæгты министр æмæ Лондоны   раздæры мэр Борис Джонсон æмæ архайæг   фæсарæн хъуыддæгты  министр Джереми Хант. Аналитиктæ  «Консервативон партийы» лидеры  æвзæрстыты  æнхъæлынц Борис Джонсон фæуæлахиз уыдзæн.

Июны Британийы  «Консервативон партийы»  лидеры сыввзарынæн  уагъд  фыццаг халæппæрсты  сеппæтæй  фылдæр хъæлæсы  æрымбырд кодта Борис Джонсон.

Фæнысан кæнинаг  у, цæмæй Борис Джонсоны гæнæн премьерæй  суæвыны  тыххæй, знон, 22  июлы, йæ  куыстæй  йæхи систа фæсарæн хъуыддæгты министры  хæдивæг  Европæйы  хъуыддæгты министр, Алан Дункан, кæцы Джонсоны  активон критик у.

Кæд æмæ Борис Джонсон фæуæлахиз уа, уæд йæ  куыстæй  йæхи сисын хъавынц Стыр Британийы ноджы  дыууæ министры –  финансты  министр Филлипп Хэммонд æмæ юстицийы министр  Девид Гок.

Тереза Мэй  премьер-министры постæй  ацыды фæдыл, 24 майы   райхъусын кодта.   Ацы уынаффæ  хицауады  сæргълæууæг уый фæстæ  райста,  парламент  Брекситы  фарстайыл  Брюселимæ  Мэй цы  документыл  æрныхас кодта,  уыцы  документы каст æртæ хатт куы  фæкъуыхцы кодта.  Цыдæр архайдмæ æнæкæсгæйæ,   Мэй Брекситы  алварс  скептик депутатты  бауырнын кæнын нæ бахъом ис.